About this role
Vi søkjer ein sjukepleiar eller vernepleiar med relevant vidareutdanning som ønskjer å bidra til heilskapleg og fleksibel oppfølging av menneske med psykoseliding.Hos oss blir du ein del av eit erfarent og inkluderande fagmiljø, med stor grad av tverrfagleg samarbeid og moglegheit til å følgje pasientar tett i kvardagen. Vi ser etter deg som trivst med relasjonsbygging, sjølvstendig arbeid og samarbeid på tvers av fagområde og tenestenivå.Om ossØyane DPS er ein del av Divisjon psykisk helsevern i Helse Bergen og held til på Straume i Øygarden kommune. Vi har sektoransvar for Askøy og Øygarden, med eit opptaksområde på om lag 51 000 innbyggjarar over 18 år. Psykosepoliklinikk FACT er eit tverrfagleg team som arbeider etter FACT-modellen (Flexible Assertive Community Treatment). Teamet tilbyr utgreiing, diagnostisering og behandling til personar med psykoseliding eller mistanke om psykose. Vi gir eit breitt og heilskapleg behandlingstilbod og samarbeider tett med kommunale tenester og andre samarbeidspartnarar for å sikre god og samordna oppfølging av pasientane våre. Oppfølginga skjer både poliklinisk og oppsøkande, med vekt på fleksibilitet og tilpassing til den enkelte sine behov. Vi har òg ansvar for oppfølging av pasientar under tvunge psykisk helsevern utan døgnopphald.Teamet består av psykiater, psykologspesialist, psykolog, psykiatrisk sjukepleiar/vernepleiar, erfaringskonsulent, musikkterapeut, arbeids- og utdanningsspesialist (AUS) og IPS-jobbspesialist. Om stillingaVi har ledig eit 100% vikariat som psykiatrisk sjukepleiar/vernepleiar ved Psykosepoliklinikk FACT. Stillinga inneber hovudsakleg arbeid på dagtid, med oppstart så snart som mogleg og til 15.08.2027.Hos oss får du vere ein del av eit sterkt fagmiljø som er oppteke av kvalitet, samarbeid og kontinuerleg utvikling. Du får ein variert arbeidskvardag med høve til å gjere ein viktig forskjell for menneske med samansette utfordringar.