About this role
Vi søker Psykologspesialist til Regionalt senter for kjønnsinkongruens Vest. Helse Bergen arbeider med å vidareutvikle Regionalt senter for kjønnsinkongruens (RSKI Vest), med sikte på å etablere teneste til pasientar over 18 år og tilby ein samla teneste til barn, unge og vaksne i eitt regionalt fagmiljø og legge til rette for helhetlige pasientforløp.RSKI Vest er organisert som ein eigen seksjon i Avdeling psykosomatisk medisin i Psykiatrisk klinikk, Divisjon psykisk helsevern, med felles leiing og ansvar for tilbodet til både barn, unge og vaksne.
Dei andre seksjonane under Psykosomatisk medisin er: Seksjon konsultasjonspsykiatri, Seksjon for alderspsykiatri og Seksjon for nevrostimulerande behandling. Senteret skal ha ein tydeleg regional rolle innan fagutvikling, rettleiing og samarbeid med DPS, kommunale tenester og andre relevante fagmiljø. Dagens tilbod - RSKI Vest tilbyr utgreiing, behandling, oppfølging og rekvirering av behandlingshjelpemiddel for personar opp til 18 år som opplever kjønnsinkongruens.
Vi har psykososiale tilbod som samtalar, opplæring og lærings- og meistringskurs. All medisinsk behandling, til dømes hormonbehandling, skjer ved den nasjonale behandlingstenesta (NBTK) ved OUS.Senteret er fleirfagleg og har tre medarbeidarar: 50% psykologspesialist, 30% lege og 100% koordinator/psykologspesialist. Det er tilknytt eit regionalt fagnettverk til senteret.