About this role
Kreftgenomikk er ei avdeling i Laboratorieklinikken med ansvar for avansert molekylær kreftdiagnostikk og består to seksjonar; Blodgenomikk og Tumorgenomikk. Avdelinga nyttar ulike molekylære analysemetodar på kromosom, DNA og RNA nivå for å undersøke endringar i genomet som er viktige for diagnostikk og behandling. Laboratoriet er akkreditert ihht ISO 15189 standarden. Dei tilsette har ulik yrkesfagleg bakgrunn med høg fagleg kompetanse (helsesekretær, bioingeniørar, molekylærbiologar og legar). Haukeland universitetssjukehus er eit infrastruktur for presisjonsdiagnostikk (InPreD) nivå 1 sjukehus. Kreftgenomikk har ei sentral rolle i utvikling og innføring av nødvendige laboratorieanalysar for presisjonsmedisin, samt arbeide i feltet mellom forsking og implementering av forsking i klinikken ved mellom anna å legge til rette for infrastruktur og studiespesifikke analysar i kliniske studiar. Arbeidet går føre seg i tett samarbeid med andre einingar i Helse Bergen, både kliniske avdelingar og i Laboratorieklinikken da spesielt med Avdeling for patologi, Avdeling for medisinsk genetikk, Avdeling for medisinsk biokjemi og farmakologi, Bioinformatikk og Biobank Haukeland. Det er også tett samarbeid mellom sjukehus regionalt og nasjonalt både gjennom InPreD og Nasjonalt kompetansenettverk for Presisjonsmedisin.Ved Kreftgenomikk er det no ledig ei 50% fast stilling som overlege innan området tumorgenomikk som utfører genetisk diagnostikk av solide svulstar. Stillinga skal kombinerast med anna stilling i Laboratorieklinikken. Overlegen deltar i leiargruppa ved Kreftgenomikk.