About this role
Føde,-barsel,-og gynekologisk avdeling har ledig to faste 100 % stillingar som sjukepleiar frå 04.01.2027 Ønskjer du faglege utfordringar og trivast i ein varierande, men til tider hektisk kvardag ? Då håpar vi du søkjer hos oss. Om oss. Avdelinga er ein kombinert føde-, barsel- og gynekologisk sengepost. Hos oss arbeider jordmødrer, barnepleiarar og sjukepleiarar tett saman i eit godt og inkluderande tverrfagleg miljø. Som sjukepleiar hos oss vil du i hovudsak ha ansvar for pleie, behandling og oppfølging av gynekologiske pasientar. Vi har eit tett samarbeid med gynekologisk poliklinikk. Stillinga inneber tredelt turnus. Vi har også moglegheiter for langvakter på helg. Ta gjerne kontakt for spørsmål om stillinga. Vi håpar å høyre frå deg og ønskjer deg velkomen som søkjar til vårt team! Arbeidsoppgåver Ansvar for gynekologiske pasientar som er innlagt for utgreiing og behandling. Oppfølging av dagkirurgiske pasientar etter operasjon. Arbeid ved gynekologisk poliklinikk. Opplæring og undervisning. Vere med å utvikle og forbetre avdelingen sitt arbeid innan pasienten si framtidige helsetjeneste. Ta del i oppgåver som til ein kvar tid ligg til avdelinga Kvalifikasjonar Norsk autorisasjon som sjukepleiar. Gode norskkunnskapar, både munnleg og skriftleg. Erfaring og kompetanse vil bli vektlagt. Personlege eigenskapar Vi vil gjerne ha ein medarbeidar som er engasjert i faget og motivert for varierande arbeidsoppgåver. Vi ser etter deg som ønskjer å utvikle eigen kompetanse,samt avdelinga i si heilhet. Det er viktigt å kunne arbeide både sjølvstendig og i team. Fagleg utvikling, evne til fleksibilitet og omstilling er eigenskapar som er viktig for oss. Vi er ei inkluderande gruppe som hjelper kvarandre,og det er lav terskel for å stille spørsmål. Personlige eigenskapar vil bli vektlagt. Vi tilbyr Lønn i samsvar med gjeldande overeinskomst. Gode pensjons- og forsikringsordningar. Eit godt arbeidsmiljø med mange trivelege kollegaer. Ein spennande, lærerik og utfordrande jobb. Tett samarbeid mellom faggruppene. Moglegheiter for langvakter på helg. Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. KontaktinformasjonBeathe Håkonsen, Einingsleiar, (+47) 578 39 588 ArbeidsstedSvanehaugvegen 2 6812 Førde Nøkkelinformasjon:Arbeidsgiver: Helse Førde Referansenr.: 5151575250 Stillingsprosent: 100% Fast Søknadsfrist: 11.10.2026 Om arbeidsgiveren: Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.