About this role
Seksjon for forsking og innovasjon har ledig ei toårig prosjektstilling som rådgjevar i 100% stilling med oppstart så snart som mogleg. Stillinga er plassert i Fag- og utviklingsavdelinga, Seksjon for forsking og innovasjon, med arbeidsstad i Førde. Vi er inne i ei spennande tid med aukande aktivitet innan eksternt finansierte prosjekt. For å ivareta forpliktingane våre og støtte den vidare utviklinga av forskings- og innovasjonsverksemda i Helse Førde, søkjer vi ein medarbeidar som ønskjer å bidra aktivt til dette arbeidet. Seksjonen har ansvar for å utvikle og forvalte gode støttesystem for forsking og innovasjon, slik at Helse Førde oppfyller nasjonale og internasjonale krav innan fagområdet. Seksjonen omfattar òg ei analyseeining som arbeider med analysar av variasjon i bruk av helsetenester, både på kommunenivå og i spesialisthelsetenesta. Arbeidsoppgåver Stillinga er variert og inneheld ulike administrative oppgåver og sakshandsaming knytt til forsking og innovasjon. Stillinga vil ha eit særskilt ansvar for å følge opp leveransar i eksternt finansierte prosjekt. Dette krev eit tett samarbeid både med forskarar, leiarar, nasjonale og internasjonale partnarar. Bidra til administrativ støtte for leiing, fagmiljø, og eksternt finansierte forskings -og innovasjonsprosjekt Koordinere, følgje opp og rapportere leveransar i nasjonale og internasjonale prosjekt Førebu saker, utarbeide rapportar og gjennomføre utgreiingar innan ansvarsområdet Oppfølging knytt til drift av prosjekt: økonomi, koordinering, rapportering Bidra til å vidareutvikle og vedlikehalde internkontrollsystem for forsking og innovasjon Delta på andre saksfelt etter behov Kvalifikasjonar Relevant utdanning på minimum bachelornivå Erfaring frå prosjektarbeid og/eller administrativt arbeid knytt til forsking og innovasjon Relevant erfaring frå helsetenesta er ein fordel Systemkunnskap og erfaring med saksbehandling og rapportering God munnleg og skriftleg framstillingsevne på norsk og engelsk God digital kompetanse Utdanningsretning Biologi Medisin Administrasjon/organisasjon/leiing Helsefag Utdanningsnivå Høgskule/universitet, master-/ bachelorgrad Personlege eigenskapar Vi ser etter ein engasjert medarbeidar som kan arbeide sjølvstendig og strategisk. Du har gode samarbeids- og kommunikasjonsevner, og er initiativrik. Fleksibel og evne til å ha fleire ballar i lufta Løysingsorientert, strukturert og leveringsdyktig Evne til å vere brubyggar på tvers av fag og organisasjonar Evne til å meistre korte tidsfristar og handtere høgt arbeidspress i periodar Vi tilbyr Vi kan tilby ein variert og spanande arbeidsplass, der du får bidra i utviklingsarbeid og har rom for å utforme eigen arbeidskvardag Gode kollegaer og eit spanande miljø Løn etter avtale Gode pensjons- og forsikringsordningar Inkluderande arbeidslivsordning (IA-bedrift) Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. KontaktinformasjonGuro Mjanger, Seksjonsleiar, (+47) 992 58 047 ArbeidsstedSvanehaugvegen 2 6812 Førde Nøkkelinformasjon:Arbeidsgiver: Helse Førde Referansenr.: 5182159585 Stillingsprosent: 100% Engasjement Søknadsfrist: 11.10.2026 Om arbeidsgiveren: Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.