About this role
Har du lyst til å arbeide med spesialisert rusbehandling i eit godt og fagleg utviklande miljø? Vi har no ledig stilling for psykolog i vår poliklinikk ved Rus- og avhengigheitsklinikken!Poliklinikk Murhjørnet held til i moderne lokale i Bergen Sentrum, og tilbyr tverrfagleg spesialisert behandling for menneske med ruslidingar og avhengigheits-problematikk, ofte i kombinasjon med psykiske lidingar (ROP tilstandar). Vi tilbyr behandling både individuelt og i gruppe. Vi gir òg tilbod om musikkterapi og pårørandeoppfølging. Poliklinikken har fast samarbeid med "Jobb først" (IPS), som held til i poliklinikken og tilbyr arbeidsretta oppfølging.Poliklinikken er del av Rus- og avhengigheitsklinikken, som er landets største eining innan tverrfagleg spesialisert rusbehandling (TSB) og som har behandlingstilbod i form av mellom anna poliklinikk, ambulant behandling, legemiddelassistert rehabilitering (LAR) og ulike døgnbehandlingstilbod. Avdelinga har eigen forskingsseksjon med ei rekke spennande prosjekt.I stillinga som psykolog i poliklinikken vår vil du ta del i tverrfagleg team, beståande av psykologar, legar, sosionomar, spesialsjukepleiar, vernepleiarar, musikkterapeutar og erfaringskonsulent. Til saman er det ca 40 årsverk knytta til poliklinikken.Det er godt lagt til rette for samarbeid og drøftingar i dei enkelte pasientforløpa. Fleire av dei tilsette er i ulike vidareutdanningar, og for ikkje-spesialistar blir det lagt til rette for relevant spesialisering. Det er regelmessig internundervisning, faste fagdagar og avdelinga legg òg til rette for både individuell vidareutdanning og felles kompetanseheving.