About this role
Ergoterapi og velferdsteknologi ved Førde sentralsjukehus har ledig 100 % fast stilling som spesialergoterapeut/ergoterapeut. Vi søkjer ein engasjert og motivert ergoterapeut til ei fast stilling med oppstart i september 2026. Seksjonen har eit breitt ergoterapifagleg nedslagsfelt og leverer tenester både til sengepostar og poliklinikkar ved sjukehuset. Vi følgjer pasientane gjennom heile behandlingsforløpet og er ein viktig del av det tverrfaglege samarbeidet. Seksjon for Ergoterapi og velferdsteknologi er organisert under Avdeling for fysikalsk medisin og rehabilitering (AFMR).Om arbeidsplassenErgoterapiseksjonen består av eit kompetent og inkluderande fagmiljø som legg stor vekt på:- kvalitet- fagleg utvikling- kunnskapsbasert praksis- kontinuerleg vidareutvikling av tenestene våreVi arbeider målretta for å gi pasientane eit godt og tilpassa tilbod.Hos ss får du ein variert og meiningsfull arbeidskvardag i eit utviklingsorientert miljø med høg fagleg standard. Vi tilbyr gode moglegheiter for læring, fagleg påfyll og høve til å påverke eigen arbeidskvardag.