About this role
Ønsker du nye utfordringar i IT bransjen? Nordfjordnett er på jakt etter ein IT konsulent som vil styrke arbeidet med å levere dei sikraste, smartaste og mest stabile løysingane til kommunane våre i Nordfjord. På avdelinga vår Server og applikasjon, driftar vi serverar, fagsystem, integrasjonar, IT utstyr og tek i vare sikkerheita i løysingane for kommunane Bremanger, Gloppen, Kinn, Stad og Stryn. Som IT konsulent vil du ha ein variert arbeidskvardag med oppgåver innan skyteknologi, sikkerheit og programvare. Stillinga vil mellom anna innebære vidareutvikling og vedlikehald av fagsystem, oppsett og drift av serverar, overvaking av kritiske tenester samt deltaking i prosjekt. For å lykkast i jobben er det viktig at du trivst med å ta tak i tekniske utfordringar og finne gode IT-løysingar for kommunane våre. Server og applikasjon er ei av tre avdelingar på driftssenteret som er plassert i Deknepollen. Samarbeidet omfattar også ei strategisk eining for digitalisering og utvikling som er lokalisert på Nordfjordeid. Nordfjordnett har hovudkontor i Deknepollen ved Måløy. Kinn kommune vil ha det formelle arbeidsgjevaransvaret.