About this role
Klinisk ernæringsfysiolog til forskingsprosjekt. Seksjon for klinisk ernæring, Haukeland universitetssjukehus søker engasjert og forskingsinteressert klinisk ernæringsfysiolog til arbeid med forskingsprosjektet "Persontilpassa ernæringsbehandling til eldre pasientar med kreft" (NutriCa65).NutriCa65 er eit Europeisk tverrfagleg multisenter forskingsprosjekt som skal utvikle og evaluere persontilpassa ernæringsbehandling og undersøke korleis ernæringsbehandling påverkar livskvalitet for eldre pasientar med kreft. Prosjektet er eit samarbeid mellom kliniske og akademiske miljø og har som mål å styrke kunnskapsgrunnlaget for ernæringsbehandling i kreftomsorga.
Seksjon for klinisk ernæring har 17 stillingsheimlar for kliniske ernæringsfysiologar og tilbyr ernæringsbehandling til både innelagde og polikliniske pasientar. I tillegg til pasientbehandling har seksjonen fokus på forsking, fagutvikling, undervising og innovasjon. Dette er ei spennande stilling for deg som ønsker å kombinere klinisk ernæringsarbeid med forsking og fagutvikling, og som vil bidra til å utvikle framtidas ernæringsbehandling for eldre pasientar med kreft.