About this role
Førde BUP har ledig 100 % fast stilling som psykologspesialist. Oppstart etter nærare avtale. Førde BUP er ein av poliklinikkane i Psykisk helsevern for barn og unge (PBU) og gir tilbod til barn, unge og familiar i åtte kommunar med ei samla barnebefolkning på om lag 12 200.Vi har spesialistar innan alle profesjonar og dei fleste fagområde, mange med lang erfaring frå fagfeltet. Vi held eit høgt fagleg nivå og har oppdatert kunnskap og brei behandlingskompetanse. Poliklinikken er lokalisert i Dagabygget i Førde og er ein del av eit stort fagmiljø innan psykisk helsevern. Den som får tilbod om stillinga, må leggje fram tilfredsstillande politiattest (vandel), jf. Lov om helsepersonell § 20a (gjeld arbeid med barn og personar med utviklingshemming). Attesten skal ikkje vere eldre enn tre månader.