About this role
Ønskjer du å bu på ein liten stad med store moglegheiter? Ønskjer du å jobbe på eit lite lokalsjukehus og samtidig få stort fagleg utbytte? Medisinsk sengepost ved Lærdal sjukehus har ledige 80 % fast stilling for helsefagarbeidarar/hjelpepleiara r. Stillinga kan ikkje delast. Medisinsk sengepost har 14 senger, inkludert 2 overvakingssenger, og driftar for tida 2 interkommunale senger. Om lag 95 % av innleggingane er augeblikkeleg hjelp, og dei største pasientgruppene er hjarte- og infeksjonspasientar. Lærdal er ein fin stad med store naturopplevingar rett utanfor døra, og gode turmoglegheiter for friluftsliv året rundt. Plasseringa gjer Lærdal til eit naturleg knutepunkt mellom Oslo og Bergen. Sjukehuset har ei eiga personalhytte på Filefjell. I tillegg har Lærdal vestlandets trivlegaste arbeidsplass, nemleg lokalsjukehuset. Meir informasjon om Lærdal kommune finn du her.
Ønskjer du meir informasjon om stillinga, er du velkomen til å kontakte einingsleiar - sjå kontaktinformasjon i annonsa.
- Arbeidsoppgåver Pasientrelatert arbeid Dokumentasjon i elektronisk pasientjournal (Meona og Dips) Ta del i oppgåver som ligg til avdelinga Samarbeid i team med andre yrkesgrupper Opplæring og rettleiing av studentar og lærlinger Utføre arbeidsoppgåver delegert av leiar Arbeide i todelt turnus med arbeid kvar tredje helg Arbeide etter Helse Førde sine verdiar: Respekt i møte med pasienten, kvalitet i prosess og resultat, og tryggleik for tilgjenge og omsorg.
- Kvalifikasjonar Helsefagarbeidar/hjelpepleiar må ha godkjent norsk autorisasjon Gode kunnskapar i norsk, både munnleg og skriftleg Gode IKT-kunnskapar Personlege eigenskapar Du har eit godt fagleg og verdimessig pasientperspektiv Du arbeider godt både sjølvstendig og i team Du trivst i eit aktivt og travelt arbeidsmiljø Personlege eigenskapar vil bli vektlagde Vi tilbyr God innføring og opplæring i arbeidsoppgåver Fagleg utvikling og moglegheit for vidareutdanning Lønn i samsvar med gjeldande overeinskomst Gode pensjons- og forsikringsordningar Eit triveleg og inkluderande arbeidsmiljø Tilgang til personalhytte på Filefjell Hjelp med bustad (opplys i søknaden dersom det er ønskjeleg) Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg.
Har du utdanning frå utlandet, legg ved godkjenning frå Direktoratet for høgare utdanning og kompetanse.
KontaktinformasjonMarit Fossheim Ottersen, Einingsleiar, (+47) 479 06 594 ArbeidsstedSjukehusvegen 9 6887 Lærdal Nøkkelinformasjon: Arbeidsgiver: Helse Førde Referansenr.: 5201923979 Stillingsprosent: 80% Fast Søknadsfrist: 12.11.2026 Om arbeidsgiveren: Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert.
Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.