About this role
Senter for nukleærmedisin, PET, Haukeland universitetssjukehus, Helse Bergen, har eit ledig vikariat (100%) som LIS2/3 i nukleærmedisin i 24 månader. Nukleærmedisin er eit spanande felt i rask utvikling, og omfattar både diagnostikk og behandling av ulike sjukdommar ved bruk av radioaktivt merka legemidler. Nukleærmedisin er eit tverrfaglig fagfelt som kombinerer fagområda anatomi, fysiologi, biokjemi, patologi, strålefysikk, radiokjemi, bildedanning og -analyse. Senter for nukleærmedisin, PET er ein integrert del av Radiologisk avdeling, og utfører all PET- og nukleærmedisinsk diagnostikk og behandling i Vestland fylke.
I tillegg har vi regionalt ansvar og landsfunksjon for deler av verksemda. Senteret utfører alle tradisjonelle nukleærmedisinske og PET-undersøkingar i kombinasjon med CT, MR og ultralyd, inkludert ultralydrettleia biopsiar. Senteret har to PET/CT-maskiner (Biograph Vision og Quadra), PET/MR (Biograph One), to SPECT/CT (Symbia Intevo Bold) og ultralyd (Canon Aplio i700). Senteret arbeider tverrfagleg og har ca. 40 medarbeidarar, eigen legemiddelfabrikk for radiofarmaka med syklotron og radiokjemi.
Vi har marknadsføringsløyve for [18F]FDG og tilverkarløyve på [18F]PSMA-1007, [18F]FLT, [18F]FDOPA , [18F]FMISO og [13N]ammoniak, i tillegg har senteret generatorprodusert [68Ga]DOTATOC og [68Ga]PSMA. I tett samarbeid med andre avdelingar, gjennomfører senteret ulike formar for radionuklidebehandlingar som radiojodbehandling for godarta og vondarta thyreoideasjukdomar, [131I]MIBG, SIRT, Xofigo og Lutathera.. Det er kun dagarbeid ved senteret. Legekollegiet består av 10 legar i ulike stillingsprosent (9 overlegar, ein konstituert overlege).
Ein overlege har 50% PhD-stilling ved MMVI (Mohn Medical Imaging and Visualization Centre) MMIV | Mohn Medical Imaging and Visualization Centre. Kontaktperson: Cecilie Brekke Rygh (senterleiar) og/eller Martin Biermann (medisinsk ansvarleg) Lurer du på korleis det er å jobbe her?
Ring gjerne og snakk med LIS-lege Jens Sjåvik tlf. nr 41701485 (arbeid)