About this role
Vil du jobbe tett på innbyggarane og avgjerdene som formar Sykkylven kommune? Vi har ledig ei 100 % konsulentstilling i staben til kommunedirektøren. Her får du ein variert arbeidskvardag tett på innbyggarar, politiske prosessar og den daglege drifta av kommunen. Du får sjølvstendig ansvar for eigne oppgåver og ei viktig rolle i både drift og utvikling. Stillinga har eit breitt ansvarsområde, og du må trivast med å veksle mellom faste oppgåver, samarbeid og nye problemstillingar. Arbeidsplassen er på rådhuset, der du blir del av eit arbeidsmiljø med fleire fagområde og samarbeider tett med kollegaer, kommuneleiinga og politisk leiing. Arbeidsoppgåver Vi søkjer ein person som skal Planleggje, koordinere og gjennomføre administrativt arbeid knytt til politisk aktivitet, mellom anna møteinnkallingar, møteavvikling og protokollarbeid. Oppfølging og praktisk støtte til politisk og administrativ leiing. Arbeide sjølvstendig med registrering, kvalitetssikring og arkivering av dokument, og bidra til å utvikle gode rutinar og digitale arbeidsmåtar. Ha sjølvstendig ansvar for definerte oppgåver innan innbyggartenesta. Bidra til å utvikle tenesta og dei digitale løysingane, innan digitalt vertskap, sentralbord og kommunikasjon Utføre enkle og rutineprega sakshandsamingsoppgåver med noko skjønsutøving. Arbeid medfører noko kveldsaktivitet. Oppgåver kan endre seg over tid og nye oppgåver kan kome til. Det er gode muligheter for utvikling og nye ansvarsområde i stillinga. Kvalifikasjonar Du kan ha ulik bakgrunn for oppgåvene, men forvaltningskompetanse er å foretrekke. Relevant utdanning innan administrasjon, offentleg forvaltning, dokumentforvaltning eller tilsvarande, å føretrekke på høgskulenivå. Døme på bachelor kan vere : Bachelor i offentlig administrasjon og ledelse Bachelor i politikk og forvaltning Bachelor i jus / rettsvitenskap Utdanning og relevant arbeidserfaring blir vurdert i samanheng. Har du erfaring frå administrativt arbeid, sakshandsaming, dokumentforvaltning eller liknande oppgåver ønsker vi at du legg fram dette. God digital kompetanse og evne til å setje seg inn i system, rutinar og regelverk er svært viktig. Gode norskkunnskapar, munnleg og skriftleg. Du må kunne nytte nynorsk. Gode engelskkunnskapar, munnleg og skriftleg er også ønskeleg. Personlege eigenskapar Du tek ansvar. Du arbeider sjølvstendig, tek initiativ og følgjer opp eigne oppgåver frå start til slutt. Du er strukturert og nøyaktig. Du held oversikt, prioriterer mellom oppgåver og sikrar god kvalitet og at fristar blir haldne. Du er imøtekomande og serviceinnstilt. Du møter innbyggarar, folkevalde og kollegaer på ein vennleg, tydeleg og profesjonell måte. Du har god vurderingsevne og rolleforståing . Du handterer fortruleg informasjon på ein trygg måte. Du samarbeider godt. Du deler kunnskap, bidreg til fellesskapet og veit når du bør avklare spørsmål eller søkje faglege råd. Du er lærevillig og utviklingsorientert . Du set deg inn i nye oppgåver og ser moglegheiter for å forbetre rutinar og arbeidsmåtar. Vi legg vekt på at du er personleg eigna for stillinga. Vi tilbyr Varierte arbeidsoppgåver Utviklingsmoglegheiter Gode kollegaer og triveleg arbeidsmiljø Gratis parkering Gode pensjons- og forsikringsordningar Offentlegheit Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd. Vitnemål og attestar Vi ber om at søkjar leverer vitnemål og attestar slik at det blir rekna ut rett ansiennitet og løn. Vitnemål kan hentast inn frå Vitnemålsportalen under vedlegg i søknaden. KontaktinformasjonSynnøve Hunnes, Stabssjef, +47 901 40 282, [email protected] ArbeidsstadKyrkjevegen 62 6230 SYKKYLVEN Nøkkelinformasjon:Arbeidsgivar: Sykkylven kommune Referansenr.: 5193050282 Stillingsprosent: 100% Fast Søknadsfrist: 26.10.2026 Om arbeidsgiveren: Sykkylven ligg sentralt i hjartet av Sunnmørsalpane og har ca 7.646 innbyggjarar. Sykkylven har eit godt utbygd barnehage- og utdanningstilbod med vidaregåande skule, eit breitt og aktivt idretts- og kulturliv og eit framgangsrikt næringsliv. Kommunen og kommuneorganisasjonen set fokus på å vere opne, innovative og venlege i all framferd og planlegging, med ei solid forankring i kommunen si rike historie og gode tradisjonar. Skaparglede er kommunen sin visjon. Sykkylven er i Randersboka skildra som kanskje den finaste av alle sunnmørske kommuner. Vi har eit fantastiske turterreng for allsidig friluftsliv alle årstider, og vi har eit rikt og variert kulturliv. Sjå meir frå Sykkylven her !