About this role
Ressurssenteret Søre Sunnmøre er lokalisert ved Ørsta vidaregåande skule, og tilbyr vidaregåande opplæring for vaksne innan yrkesfag. Tilbodet for vaksne er i dag kvalifisering til fagbrev innan helse- og oppvekstfag og teknologi- og industrifag. Deltakarane kjem frå heile Søre Sunnmøre og det er dette skuleåret 110 deltakarar tilknytta senteret. Ein av våre tilsette går ut i permisjon. Vi har difor ledig eit vikariat i 100% stilling, i eit år, med gode moglegheiter for andre oppgåver/andre stillingar vidare. Ressurssenteret Søre Sunnmøre vart starta opp 1.2.2025, og er framleis under utvikling. Stillinga vi no lyser har vore svært sentral i ressurssenterdrifta. I delar av stillinga vil ein få ansvar for undervisning innan modulstrukturert opplæring for vaksne i modulen norsk- og samfunnskunnskap. I stillinga ligg også varierte oppgåver knytt til rettleiing for dei vaksne, formidlingsarbeid, fagdokumentasjon og andre administrative oppgåver saman med leiar for Ressurssenteret.Du må like å arbeide utadretta, og kunne kommunisere godt med ungdomar og vaksne elevar med ulik bakgrunn, med andre tilsette ved skulen, og med eksterne samarbeidspartnarar.