About this role
Vi søkjer nye kollegaer til kjøkkenet vårt ved Sjukehuset Nordmøre og Romsdal. Vi treng medarbeidarar til både produksjonskjøkkenet og avdelingskjøkkena våre. Det er ønskjeleg med oppstart så snart som mogleg. Produksjonskjøkkenet produserer mat til pasientar, kafé og kiosk, med stor vekt på eigenproduksjon. Vi leverer òg møtemat og catering til ulike arrangement og føremål. I kaféen finn du eit variert utval av påsmurde produkt, varme og kalde rettar, heimelaga bakst, gåveartiklar, bøker og ulike vekeblad. Vi driftar òg ein sjølvbetent kiosk med smart vareskap som tilbyr eit breitt utval av mat, drikke og kioskvarer. Opphaldsromma på avdelingane fungerer som små kaféar og tilbyr mellom anna middagar, graut, supper, desserter, brødmat, pålegg og drikke. Dette er ein travel, men inspirerande arbeidsplass der du får vere med på mange spennande arbeidsoppgåver og bidra til eit viktig tilbod for pasientar, tilsette og besøkjande. Har du lyst til å bli vår nye kollega? Då håpar vi du søkjer! Arbeidsoppgåver Matvert - har ansvar for "mini kafe" for pasientane. Bestille mat og drikke på Nutshell. Sluttilberede diettar, imøtekomme og lage enkle rettar etter ønske frå pasientane. Matverten fungerar som kjøkkenet si utstrakte arm og samarbeidar med avdelingspersonalet. Matverten har ansvar for matsikkerheita på avdelingskjøkken/ oppholdsrom Varemottak - kvalitetskontroll av alle varer som vert mottekne, samt sette varer på riktig plass Lager - pakke varer etter bestilling frå alle matvertar, avdelingar, kafe, samt pakke til eksterne lokasjonar. Ansvar for varerullering, kommunisere med produksjonskjøkken/ innkjøpsansvarleg For alle stillingane - andre arbeidsoppgaver må påregnast etter internt behov i seksjonen. Aktivt bruk av seksjonen sitt kvalitetssystem.Bruk av seksjonen sine digitale verkty Kvalifikasjonar Kokk med fagbrev, men andre utan fagbrev er også velkomne til å søke på stillingane Matvert må ha kunnskap om matlaging og grunnleggande ernæring For stilling i varemottak/ lager må ein vere fysisk sterk Kunnskap/forståing for lagerstyring Må ha svært gode norskkunnskap, både munnleg og skriftleg Personlege eigenskapar Du er ansvarsbevisst og påliteleg Du arbeidar sjølvstendig og strukturert Du er ein god lagspelar Du er positiv til endringar og likar utfordringar Du trivast i eit aktivt og travelt miljø Du er opptatt av å yte god service Personleg eignaheit vert vektlagt ved tilsetting Vi tilbyr Sterkt tverrfagleg samarbeid Ein inkluderande arbeidsplass Løn etter gjeldande overeinskomstar Medlemskap i god offentleg pensjonsordning og fordelaktige forsikringsvilkår Vi ber om at attestar og vitemål vert lasta opp som vedlegg til søknaden din. Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféer og spisestader. Les meir om Molde og Romsdalen her. KontaktinformasjonEli Nytun Sæther, Seksjonsleiar, +47 90250756 ArbeidsstadOpdølvegen 4 6450 Hjelset Nøkkelinformasjon:Arbeidsgivar: Helse Møre og Romsdal HF Referansenr.: 5185036812 Stillingsprosent: 100% Vikariat Søknadsfrist: 13.10.2026 Om arbeidsgiveren: Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Akuttsjukehusa i HMR er i Volda, Ålesund, og på Hjelset i Molde kommune. I SNR Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje. Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal