Պահեստի և Գույքի Պատասխանատու @ Coaf

Եթե դու պատասխանատու, կազմակերպված և գործունյա մասնագետ ես, սիրում ես կարգուկանոն, արագ նկատում ես առաջացող խնդիրները, ուշադիր ես և կարողանում ես արդյունավետ համագործակցել տարբեր թիմերի հետ, ապա «Հայաստանի մանուկներ» բարեգործական հիմնադրամի (ՔՈԱՖ) ՍՄԱՐԹ ավանի Պահեստի և գույքի պատասխանատուի դերը հենց քեզ համար է։ Այս դերում դու պատասխանատու կլինես ՍՄԱՐԹ ավանի պահեստային տնտեսության սահուն կազմակերպման, գույքի և սարքավորումների հաշվառման ու պատշաճ պահպանման, ինչպես նաև ՍՄԱՐԹ ավանի տարածքների, գույքի և տեխնիկական միջոցների ընդհանուր վիճակի մշտադիտարկման համար։

Հիմնական պարտականություններ

• Կազմակերպել և իրականացնել պահեստի ամենօրյա աշխատանքը։

• Ընդունել, տեղաբաշխել, պահպանել և տրամադրել գույքը, սարքավորումները և նյութերը։

• Վարել գույքի և նյութերի մուտքի, ելքի, վերադարձի և մնացորդների հաշվառումը։

• Հետևել պահեստային տարածքի կարգուկանոնին և գույքի պահպանման պայմաններին։

• Մասնակցել գույքագրման աշխատանքներին։

• Հետևել սպառվող նյութերի և անհրաժեշտ պարագաների մնացորդներին։

• Ապահովել միջոցառումների և աշխատանքային գործընթացների համար անհրաժեշտ գույքի տրամադրումն ու վերադարձը։

• Պարբերաբար հետևել ՍՄԱՐԹ ավանի շենքերի, տարածքների, գույքի, սարքավորումների և տեխնիկական միջոցների տեսանելի վիճակին։

• Հայտնաբերված անսարքությունների, վնասվածքների կամ անվտանգության ռիսկերի մասին ժամանակին տեղեկացնել համապատասխան պատասխանատուներին։

• Իր մասնագիտական կարողությունների շրջանակում իրականացնել պարզ և փոքրածավալ տեխնիկական աշխատանքներ։

• Համագործակցել ՔՈԱՖ-ի համապատասխան ստորաբաժանումների հետ պահեստավորման, գնումների, վերանորոգման և տեխնիկական սպասարկման աշխատանքների շրջանակում։

Պահանջվող որակավորումներ

• Միջին մասնագիտական կամ բարձրագույն կրթություն։

• Պահեստային տնտեսության, գույքի կառավարման, տեխնիկական սպասարկման կամ հարակից ոլորտում աշխատանքային փորձը ցանկալի է։

• Գույքի և նյութերի հաշվառման սկզբունքների վերաբերյալ հիմնական գիտելիքներ։

• Պարզ տեխնիկական խնդիրների հայտնաբերման և գնահատման կարողություն։

• Համակարգչային հիմնական ծրագրերից օգտվելու կարողություն։

• Հայերենի լավ իմացություն։

Անհրաժեշտ հմտություններ

• Կազմակերպվածություն և պատասխանատվության բարձր զգացում։

• Ուշադրություն մանրուքների նկատմամբ և խնդիրները ժամանակին նկատելու և արձագանքելու/տեղեկացնելու կարողություն։

• Ժամանակի և առաջադրանքների արդյունավետ կառավարում։

• Թիմային աշխատանքի և արդյունավետ հաղորդակցության հմտություններ։

• Ֆիզիկական ակտիվ աշխատանք կատարելու պատրաստակամություն։

• Անվտանգության կանոնների պահպանման նկատմամբ պատասխանատու վերաբերմունք։

• Ինքնուրույն աշխատելու և միաժամանակ տարբեր ընթացիկ աշխատանքներ համակարգելու կարողություն։

ՍՊԱՍՈՒՄ ԵՆՔ ՔԵԶ Վերջնաժամկետը՝ 2026թ․ hոկտեմբերի 8-ի օրվա ավարտն է։