About this role
I Heimetenesta har vi ledige helgestillingestillingar/studentstillingar på helg. Vi søkjer etter engasjerte og ansvarsfulle medarbeidarar som ønskjer verdifull praksis og erfaring innan kommunale helse- og omsorgstenester. Stillinga er knytt til heimesjukepleie, med arbeid tredje kvar helg, midlertidig stilling. Det kan bli aktuelt med fleire tilsettingar. Det er moglegheit for arbeid med 12,5 timers arbeidsdagar tredje kvar eller fjerde kvar helg. Lengre vakter er under utprøving i heimetenesta. Heimetenesta gir hjelp og rettleiing gjennom heile døgnet til eldre, sjuke og personar med funksjonsnedsetting i eigen heim, og deira pårørande. Arbeidsoppgåver Arbeidsoppgåvene blir tilpassa utdanning, erfaring og kompetansenivå, og kan mellom anna vere: Pleie- og omsorgsoppgåver Praktisk bistand og støtte i dagleglivets aktivitetar Observasjon av pasient og rapportering til ansvarleg sjukepleiar Enkle helsefaglege prosedyrar etter opplæring og delegasjon Dokumentasjon i journalsystem Bidra til trygge og gode pasientforløp Samhandling med kollegaer og andre samarbeidspartnarar Kvalifikasjonar / ønskt kompetanse Vi ønskjer søkjarar som er: Studentar innan: Sjukepleie, vernepleie, paramedisin, fysioterapi, helsefagarbeidar eller anna relevant studieretning kan være aktuell. Søkarar utan pågåande utdanningsløp, eller andre med ønskje om å arbeide i heimetenesta kan også bli vurderte og er velkomne til å søkje. I tillegg: God munnleg og skriftleg framstillingsevne på norsk Grunnleggande digitale ferdigheiter Førarkort klasse B Det er krav om tilfredsstillande politiattest som ikkje eldre enn 3 månader. Denne skal leggast fram før tiltreding. Personlege eigenskapar Vi legg stor vekt på personleg eignaheit. Vi ønskjer medarbeidarar som: Er pålitelege og ansvarsbevisste Har vilje til å lære og utvikle seg Kan arbeide både sjølvstendig og i team Møter pasientar og pårørande med respekt og omsorg Bidreg positivt til arbeidsmiljøet Hos oss får du God opplæring og tett oppfølging i starten Eit trygt og inkluderande arbeidsmiljø Verdifull praksis og relevant arbeidserfaring Løn etter gjeldande avtaleverk og kommunale vilkår Gode pensjons- og forsikringsordningar Moglegheit for vidare engasjement, vikariat eller fast stilling Oversjukepleiar er næraste overordna. Vi held samtalar med aktuelle søkarar fortløpande. Link til søknadsskjema: Søk her Om arbeidsgiveren: Heimetenesta organiserer heimesjukepleie, heimehjelp, rehabililtering og dagsenter for eldre. I tillegg samarbeider vi med Inn på Tunet-tilbydarar og saksbehandlar søknader om omsorgsstønad og brukarstyrt personleg assistent. Vi er til saman 50 tilsette og held til i sentrum av Surnadal. I Surnadal har Heimetenesta aukande oppdragsmengd med auka krav til kompetanse i åra framover. Målet er at alle innbyggjarane får bu heime så lengje dei ønskjer det. Vi gir tilbod om rehabilitering i heimen der vi har sjukepleiar med rehabiliteringskompetanse, fysioterapeut og ergoterapeut som del av det tverrfaglege arbeidet. I oppfølginga av pasientar med behov for sjukepleie har vi kompetanse i mellom anna geriatri, demens, psykiatri, rus, legemiddel, kreft og diabetes. Vi har også eigen fagutviklingssjukepleiar. Aktiv bruk av velferdsteknologi er eit satsingsområde og vi ønskjer å vere pådrivar i utviklinga av gode løysingar. Heimetenesta arbeider etter metoden "Helheltlig pasientforløp i eget hjem" -HPH, som er utvikla i samarbeid med NTNU og St.Olavs hospital. KS og Helsedirektoratet arbeider no med å etablere HPH i alle kommunar. I november 2024 tek vi i bruk Helseplattformen som fagsystem.