About this role
Fast sjukepleiarstilling i Heimetenesta I Heimetenesta har vi ledige stilling for sjukepleiar, 100% fast stilling. Stillinga er knytt til heimesjukepleie, og inngår i turnus med arbeid f.t tredje kvar helg og arbeidsoppgåver i heimesjukepleia. Det er moglegheit for arbeid med 12,5 timers arbeidsdagar fjerde kvar helg eller i heile turnusen. Lengre vakter er under utprøving i heimetenesta. Det kan bli aktuelt med fleire tilsettingar, både fast og vikariat. Stillingsprosent kan justerast etter eige ønskje dersom ein vil ha mindre stilling enn 100%. Heimesjukepleien gir hjelp og rettleiing gjennom heile døgnet til eldre, sjuke eller personar med funksjonsnedsetting som bur heime, og deira pårørande. Arbeidsoppgåver: Sjukepleiarfagleg oppgåver og ansvar Klinisk vurdering, systematisk observasjon, dokumentasjon, identifisering og iverksetting av tiltak Bidra til kvalitetsutvikling, innovasjon og fagleg utvikling i tenesta Delta i rettleiing, opplæring og fagleg støtte til kollegaer og elevar Pleie og omsorg Samhandling og tverrfagleg samarbeid. Bistå til gode perientforløp og oppfølging I tillegg vi det være oppgaver knytt til samarbeid og samhandling. I heimetenesta er samarbeid med pårørande, legevakt, ambulanse og andre ein viktig oppgave. Oversjukepleiar er næraste overordna. Kvalifikasjonar/krav til kompetanse: Autorisasjon som sjukepleiar. Andre med relevant 3årig høgskoleutdanning kan vurderast. God skriftleg og muntleg framstillingsevne og god kommunikasjonsevne på norsk. Kunne bruke digitale verktøy, til dokumentasjon og innhenting av informasjon. Førarkort klasse B. Tilfredsstillande politiattest som ikkje er eldre enn 3 månader. Denne må leggast fram før tiltreding. Personlege eigenskapar og fortrinn: Vi ønskjer oss medarbeidarar som er fagleg trygge og som har motivasjon for å lære. Vi set vilje og evne til sjølvstendig arbeid høgt og ønskjer at medarbeidarane våre er pådrivarar til utvikling, og bidrar positivt i arbeidsmiljøet med godt humør og gode samarbeidsevner. Hos oss får du: Godt arbeidsmiljø med vekt på fagleg utvikling og tverrfagleg samarbeid. Løn etter gjeldande avtaleverk og med kommunale tilsetjingsvilkår. God pensjon- og forsikringsordningar. Flyttegodtgjersle etter reglane i personalplanen. Vi held samtalar med aktuelle søkarar. Link til søknadsskjema: Søk her Om arbeidsgiveren: Heimetenesta organiserer heimesjukepleie, heimehjelp, rehabililtering og dagsenter for eldre. I tillegg samarbeider vi med Inn på Tunet-tilbydarar og saksbehandlar søknader om omsorgsstønad og brukarstyrt personleg assistent. Vi er til saman 50 tilsette og held til i sentrum av Surnadal. I Surnadal har Heimetenesta aukande oppdragsmengd med auka krav til kompetanse i åra framover. Målet er at alle innbyggjarane får bu heime så lengje dei ønskjer det. Vi gir tilbod om rehabilitering i heimen der vi har sjukepleiar med rehabiliteringskompetanse, fysioterapeut og ergoterapeut som del av det tverrfaglege arbeidet. I oppfølginga av pasientar med behov for sjukepleie har vi kompetanse i mellom anna geriatri, demens, psykiatri, rus, legemiddel, kreft og diabetes. Vi har også eigen fagutviklingssjukepleiar. Aktiv bruk av velferdsteknologi er eit satsingsområde og vi ønskjer å vere pådrivar i utviklinga av gode løysingar. Heimetenesta arbeider etter metoden "Helheltlig pasientforløp i eget hjem" -HPH, som er utvikla i samarbeid med NTNU og St.Olavs hospital. KS og Helsedirektoratet arbeider no med å etablere HPH i alle kommunar. I november 2024 tek vi i bruk Helseplattformen som fagsystem.