About this role
Operasjonssjukepleiar – 100 % stilling – vikariat i 1 år! Vil du bli ein del av eit operasjonsteam med høg fagleg kompetanse i moderne og framtidsretta lokale?Vi har no ledig eit vikariat for autorisert operasjonssjukepleiar ved den nyetablerte operasjonsseksjonen ved Sjukehuset Nordmøre og Romsdal (SNR) på Hjelset.Operasjon SNR er ein del av Avdeling for anestesi, intensiv, operasjon, sterilforsyning og dagkirurgi, som inngår i Klinikk SNR – ei av fem klinikkar ved sjukehuset. Seksjonen har om lag 48 årsverk, og bemanninga har høg fagleg kompetanse og brei klinisk erfaring. Nokre har sin hovudarbeidsstad på Hjelset, medan andre har delt stilling i Kristiansund.Arbeidskvardagen hos oss er prega av tverrfagleg samarbeid, høgt tempo og fagleg engasjement, og med pasienten i sentrum. Operasjonssjukepleiarane arbeider hovudsakleg 3-delt turnus, med 12-timars vakter og delar på bemanninga i helg.Operasjon SNR kan tilby eit breitt og variert fagmiljø, og dekkjer eit breitt spekter av følgande fagområde:Gastrokirurgi, Ortopedi, Gynekologi og fødsel, Plastikkirurgi, Øyre-nase-hals, Urologi, Generell kirurgi og AugeI tillegg bistår vi medisinsk avdeling med inngrep som til dømes innlegging av pacemaker og andre prosedyrar ved behov.Operasjon SNR har nye lokale og moderne utstyr. Vi har nyleg flytta inn i heilt nye operasjonslokale på Hjelset, med 10 fullt utstyrte operasjonsstover og moderne medisinteknisk utstyr. Dette gir unike moglegheiter for fagleg utvikling, effektiv drift og høg kvalitet i pasientbehandlinga.Sjukehuset ligg på Hjelset, om lag 20–30 minuttar med bil frå Molde sentrum og rundt 40 minutt frå Kristiansund. I Kristiansund blir det vidareført eit breitt spesialisthelsetilbod med poliklinikk og dagbehandling.