Fagansvarleg i Eining for Miljø- og velferdstenester @ Stryn Kommune

Er du vernepleier eller sjukepleier og brenn for fagleg utvikling, og ønsker å være ein pådrivar for kvalitet i tenestene? Då er dette stillinga for deg.Stryn kommune har ledig 100% fast stilling som fagansvarleg i eining for miljø- og velferdstenester. Som fagansvarleg samarbeider du tett med einingsleiar, avdelingsleiarar og tilsette for å sikre fagleg utvikling av avdelingane i Miljø og velferd. Miljø og velferd er ei eining som har brukarar med utviklingshemming i varierande grad og brukarar tilkytta psykiatri og rus. Som fagansvarleg skal du bidra til kontinuerleg forbetring av direkte og indirekte tenester til brukarane og å sikre at tenestene som blir tilbydde er forsvarlege, av høg kvalitet og i tråd med gjeldande lovverk og retningslinjer. Gjennom planlegging, rettleiing og undervisning skal du medverke til å skape rammer slik at dei tilsette er i stand til å yte best moglege og berekraftige tenester.