About this role
SOCAR Baş ofis, Qurumların birləşmə, alınma və ayrılması üzrə iş şöbəsində aparıcı iqtisadçı vəzifəsi üzrə vakansiya elan edir. Əsas vəzifə öhdəlikləri: İnorqanik investisiya imkanları üzrə ilkin qiymətləndirmə (screening) hesabatları, analitik arayışlar (memo) və xülasələr hazırlamaq; Həssaslıq və ssenari təhlilləri daxil olmaqla ətraflı maliyyə təhlilləri aparmaq; İnvestisiya imkanlarını qiymətləndirmək üçün mürəkkəb maliyyə modelləri qurmaq və onları mütəmadi yeniləmək; Potensial investisiya imkanlarının ədalətli bazar dəyərini (fair market value) müəyyən etmək və strateji addımlara dair tövsiyələr vermək; Niyyət məktublarının (LOI), alqı-satqı müqavilələrinin (SPA) və digər sənədlərin hazırlanmasında rəhbərliyə və aidiyyəti tərəflərə dəstək göstərmək; Qanunvericilik, tənzimləyici tələblər və müqavilə şərtləri ilə bağlı məsələlərin həlli üçün hüquq, uyğunluq və maliyyə funksiyaları ilə sıx əməkdaşlıq etmək; Potensial investisiyalar üzrə kompleks təhlil (due diligence) prosesini şirkətin daxili resursları ilə həyata keçirmək, maliyyə məlumatlarının düzgünlüyünü və etibarlılığını qiymətləndirmək; Ətraflı təhlillər əsasında aydın və əsaslandırılmış investisiya tövsiyələri hazırlamaq; Əsas təhlil nəticələrini və potensial təsirləri izah etməklə investisiya təkliflərini təqdim etmək. Namizədə tələblər: Maliyyə, iqtisadiyyat və ya əlaqəli sahə üzrə bakalavr dərəcəsi (magistr dərəcəsi üstünlükdür); Sahə üzrə 5 il iş təcrübəsi (beynəlxalq iş təcrübəsi və ya beynəlxalq şirkətlərdə iş təcrübəsi üstünlük hesab olunur); Korporativ maliyyə üzrə biliklər (maliyyə modelləşdirməsi, qiymətləndirmə metodları və məlumatların təhlili üzrə bilik və bacarıqlar); MS Office proqramlarından, xüsusilə Excel və PowerPoint-dən peşəkar səviyyədə istifadə bacarığı; Bazar araşdırması: İnvestisiya qərarlarına təsir göstərə biləcək iqtisadi göstəriciləri, bazar tendensiyalarını və geosiyasi hadisələri araşdırmaq və izləmək bacarığı; Kəmiyyət təhlili: Statistik təhlil və ssenari modelləşdirməsi üsullarından istifadə etməklə risk və gəlirlilik göstəricilərini qiymətləndirmək bacarığı; Qiymətləndirmə metodları: İnvestisiyaların fundamental dəyərini (intrinsic value) müəyyən etmək üçün diskontlaşdırılmış pul axınları (Discounted Cash Flow - DCF), oxşar şirkətlərin müqayisəli təhlili (Comparable Company Analysis - CCA) və əvvəlki oxşar əqdlərin təhlili (Precedent Transactions) metodlarını dərindən bilmək və peşəkar səviyyədə tətbiq etmək bacarığı; Mürəkkəb maliyyə məlumatlarını və investisiya tövsiyələrini maliyyə üzrə mütəxəssislərə və digər aidiyyəti tərəflərə aydın və anlaşılan şəkildə çatdırmaq bacarığı; Şirkətin müxtəlif bölmələri və aidiyyəti tərəflərlə səmərəli əməkdaşlıq etmək bacarığı; Tapşırıqları müəyyən edilmiş müddətlərdə yerinə yetirmək və məqsədlərə nail olmaq üçün vaxtdan və resurslardan səmərəli istifadə etmək bacarığı; Azərbaycan və ingilis dillərini sərbəst bilmək (rus dili biliyi üstünlükdür); CFA, FMVA və ya əlaqədar digər sertfikatların olması üstünlükdür. Biz nə təklif edirik? Peşəkar iş mühiti; Peşəkar inkişaf və karyera imkanları; Rəqabətqabiliyyətli əməkhaqqı və müavinətlər paketi; SOCAR Tower-də yerləşən idman zalından istifadə imkanı daxil olmaqla tibbi sığorta və sağlamlıqla bağlı əlavə üstünlüklər; Nəqliyyat xidmətləri. İş yeri: SOCAR Tower, H.Əliyev prospekti 121, Bakı, Azərbaycan Son müraciət tarixi: 27.09.2026