About this role
Bemanningssenteret i Helse Bergen søker tilkallingsvikarar til Drift/teknisk divisjon/ Avdeling for Pasientreiser som Sjuketransportbetjent. Aktuelle kandidatar vil bli tilsett via Bemanningssenteret, men vil gå vakter ved Avdeling for Pasientreiser. Avdeling for pasientreiser sine kvite sjuketransportbilar fraktar liggande pasientar utan behov for medisinsk overvaking. Som sjuketransportbetjent arbeider du tett saman med ein kollega, der de byter på å køyre bilen og å assistere pasientane bak i bilen. Arbeidskvardagen er variert og dynamisk, og gir deg moglegheit til å møte pasientar med ulike behov. Kven er vi? Avdeling for pasientreiser har hovudansvaret for pasientar i Helse Bergen sitt geografiske område, tilknytt Haukeland universitetssjukehus. Kvart år planlegg vi nærare 350 000 pasientreiser på heile Vestlandet, med transport via buss, drosje, tog, fly og båt. Målet vårt er å sikre effektive og trygge reiseløysingar for pasientar som treng behandling. Vi samarbeider tett med Akuttmedisinsk avdeling om sjuketransport av liggande pasientar utan medisinske behov. Oppstart Etter nærare avtale. Arbeidsoppgåver Sjåfør på sjuketransportbil Støtte og tilsyn med pasient bak i sjuketransportbil Kontroll og reinhald av bil etter tur Forflytting og løft av pasientar Kvalifikasjonar Du må meistre godt norsk både munnleg og skriftleg, i tillegg må du meistre engelsk munnleg Du må ha førarkort klasse B Du må ha fysiske føresetnader til å utføre løft og forflytting av pasient, inkludert bering i trapp mv. Personlege eigenskapar Du arbeider godt både sjølvstendig og i team Du er tolmodig, fleksibel og kommuniserer godt Du set pasienten i sentrum, tilpassar deg, er positiv, imøtekomande og løysingsorientert. Vi tilbyr God opplæring Lønn i samsvar med gjeldande overeinskomst Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. KontaktinformasjonAndreas Gudim Marberg, Seksjonsleiar Pasientreiser, 97 12 62 68 Cathrine Fauske Haferkamp, Seksjonsleiar Bemanningssenteret, 99 42 67 55 ArbeidsstadHaukelandsveien 22 5021 Bergen Nøkkelinformasjon:Arbeidsgivar: Helse Bergen HF Referansenr.: 5177877914 Stillingsprosent: 0% Anna Søknadsfrist: 23.09.2026 Om arbeidsgiveren: Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook. Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.