About this role
Er du radiograf med interesse for nukleærmedisin? Då vil vi gjerne høyre frå deg!Seksjon for nukleærmedisin og støttefunksjonar, Radiologisk avdeling, Ålesund sjukehus har ledig 100 % vikariat med varigheit på eit år med moglegheit for forlenging.Radiologisk avdeling er ei felles avdeling for Ålesund og Volda sjukehus, og har ansvar for det radiologiske tilbodet til pasientar på Sunnmøre. Vi tilbyr eit breitt spekter av undersøkingar innan røntgen, intervensjon, ultralyd/doppler, CT, MR, beintettheitsmåling og nukleærmedisin. Seksjon for nukleærmedisin og støttefunksjonar er utstyrt med moderne teknologi og tilbyr undersøkingar på både SPECT/CT og PET/CT. Dette gir spennande og varierte arbeidsoppgåver i eit fagfelt i rask utvikling, med høgt fokus på kvalitet, pasientbehandling og tverrfagleg samarbeid. Ålesund er kjent for sin vakre natur og unike plassering mellom fjord og fjell. Her finn du gode moglegheiter for friluftsliv året rundt, med nærleik til turstiar, fjelltoppar, skianlegg, hav og spektakulære naturopplevingar. Byen byr også på eit rikt kultur- og fritidstilbod, og er eit attraktivt område for både familiar og dei som ønskjer ein aktiv livsstil.Vi ber om at attester og vitnemål vert scanna og lasta opp som vedlegg til søknaden.