About this role
Sjukepleiar eller paramedisinar til Mobilt Ferdigheitsteam - 50 % fast stilling Vil du bidra til tryggare og meir kompetente helse- og omsorgstenester i Hallingdal? Mobilt Ferdigheitsteam arbeider med kompetanseheving for tilsette i dei kommunale helse- og omsorgstenestene i Ål, Hol, Gol, Hemsedal og Flå. Gjennom praktisk ferdigheitstrening, simulering, undervisning og etisk refleksjon bidreg teamet til å styrkje den kliniske kompetansen og tryggleiken til dei tilsette. Opplæringa blir gjennomført på arbeidsplassane i kommunane, digitalt og på øvingsposten på Torpomoen. Innhaldet blir tilpassa faglege behov og bestillingar frå kommunane. Arbeidsoppgåver planleggje og gjennomføre ferdigheitstrening, casetrening, simulering og undervisning styrkje klinisk observasjonskompetanse, kommunikasjon og etisk refleksjon gjennomføre obligatoriske kurs i hjarte-lunge-redning kartleggje kompetansebehov og tilpasse opplæringa til ulike faggrupper samarbeide med leiarar, fagpersonar og tilsette i kommunane vidareutvikle teamet sine tilbod planleggje og gjennomføre fagdagar, kurs, webinar og opplæring av ferievikarar Kvalifikasjonar Vi søkjer deg som: er autorisert sjukepleiar eller paramedisinar med bachelor, gjerne med relevant vidareutdanning har solid og relevant klinisk erfaring har erfaring med eller interesse for undervisning, rettleiing, ferdigheitstrening eller simulering har god munnleg og skriftleg formidlingsevne på norsk har førarkort klasse B og høve til å reise mellom kommunane Instruktørkompetanse innan førstehjelp eller hjarte-lunge-redning er ein fordel. Personlege eigenskapar Du er trygg og tillitsskapande i møte med ulike menneske og fagmiljø. Du har pedagogisk forståing og evnar å gjere fagstoff praktisk, relevant og engasjerande. Vi ser etter deg som tek initiativ, arbeider sjølvstendig og strukturert og samtidig samarbeider godt med andre. Du må vere fleksibel og trivast med ein variert og utadretta arbeidskvardag. Relevant praktisk erfaring og personleg eignaheit vil bli tillagd stor vekt. Vi tilbyr ei spennande og variert stilling med eit viktig samfunnsoppdrag høve til å påverke og vidareutvikle tilboda til teamet eit tverrfagleg og utviklingsorientert arbeidsmiljø ein fleksibel arbeidskvardag med stor grad av sjølvstende løn og arbeidsvilkår etter gjeldande avtaleverk Arbeidsstaden er Hallinghelse på Torpomoen i Ål. Stillinga inneber reiseverksemd mellom Ål, Hol, Gol, Hemsedal og Flå. Søknad: Vitnemål og attestar legg du inn saman med søknaden. Intervju og tilsetting kan bli gjennomført fortløpande i søknadsperioden. Kommunen følgjer offentleglova § 25 ved eventuell offentleggjering av søkjarlista. Ta gjerne kontakt med oss. Link til søknadsskjema: Søk her Om arbeidsgiveren: Hallinghelse er eit interkommunalt samarbeidstiltak for dei seks kommunane Flå, Nes, Gol, Hemsedal, Ål og Hol. Hallinghelse skal ta initiativ til og koordinere samhandlingstiltak innan helse- helsefremjande tiltak, folkehelse og kompetanseheving mellom dei seks kommunane. Hallinghelse skal også fremje samhandling mellom kommunane og spesialisthelsetenesta (Vestre Viken Helseføretak (VVHF)). Hallinghelse er med på å gjere det mogleg for distriktskommunar å tilby eit nyskapande, innovativt fagmiljø med fokus på samhandling og samarbeid mellom kommunane. Hallinghelse har kontorlokaler på Torpomoen i Ål kommune. Våre nettsider: www.hallinghelse.no