About this role
Vi søkjer etter deg som ønskjer å gå inn i ei spanande stilling som HR- rådgjevar i Haram kommune. Fagområdet HR er ein del av kommunedirektøren sin stab.Det er to dedikerte ressursar i HR, og du vil få ei variert arbeidshverdag og arbeide tett saman med andre stab- og fagtenester i kommunen.Vi ser etter deg som er trygg i rådgjevarrolla, har god system- og rolleforståing og trivst med varierte og komplekse problemstillingar. Du er nysgjerrig, utviklingsorientert og modig, og har gode relasjonelle evner. Du skapar tillit, samarbeidar godt med andre og evnar å stå stødig også når tempoet er høgt.Haram kommune er oppteken av gode og heilskaplege tenester, og vi legg vekt på samarbeid på tvers av tenesteområda. I Haram kommune spelar vi kvarandre gode og skaper gode tenester for innbyggjarane og næringslivet vårt.