About this role
Ortopedisk avdeling har 4 sengepostar, poliklinikk og ei dagkirurgisk eining. Legane ved avdelinga er knytt til seksjonar for barneortopedi, traumatologi, protese- og revmakirurgi, rygg- og onkologisk kirurgi, ortopediske infeksjonar, samt til Nasjonalt kompetansesenter for leddprotesar og hoftebrot, Senter for bein- og bløtdelssvulstar og Seksjon for funksjonsforbetrande kirurgi. Ortopedisk avdeling (HUS) har ledig 3 vikariat med arbeid på kveld og helg. Vikariata er ledig frå 28. september og gjeld i om lag 6 månadar med moglegheit for forlenging. Det vil også vere mogelegheit for nokre veker sommarjobb. Arbeidsoppgåver Arbeidsoppgåvene er primært mottak av nye pasientar i akuttmottak/sengepost og postarbeid. Det vil vere mogleg å delta på enkelte prosedyrar Kvalifikasjonar Du må ha norsk autorisasjon som medisinstudent med lisens Det blir lagt vekt på erfaring med klinisk pasientarbeid, samt prosjekterfaring Du må meistre norsk skriftleg og munnleg Personlege eigenskapar Ansvarsbevisst, samarbeidsvillig og fleksibel Gode kommunikasjonsevner, og evne til å arbeide systematisk og effektivt Bidra aktivt til godt arbeidsmiljø Interesse for forsking Vi tilbyr Teneste som skal gje opplæring i akutt og elektiv ortopedi. Rettleiing etter gjeldande avtalar samt eit godt arbeidsmiljø i ein hektisk kvardag Lønn iht gjeldande overeinskomst Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. KontaktinformasjonJostein Skorpa Nilsen, Overlege, [email protected] ArbeidsstadHaukelandsveien 22 5021 Bergen Nøkkelinformasjon:Arbeidsgivar: Helse Bergen HF Referansenr.: 5164158682 Stillingsprosent: 25,76% Engasjement Startdato: 28.09.2026 Søknadsfrist: 31.08.2026 Om arbeidsgiveren: Helse Bergen, Haukeland universitetssjukehus, har nærare14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på www.helse-bergen.no eller facebook. Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.