About this role
Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.Tannhelsetenesta i Vestland er ei stor og kompleks verksemd med brei fagkompetanse, spesialistfunksjonar, gode forskingsmiljø og med eit sterkt førebyggjande fokus. Samla bidreg dette til god folkehelse i fylket vårt. Avdelinga har om lag 600 tilsette, fordelt på 55 tannklinikkar, ein intern fagstab og kompetansesenteret TKVestland. Avdelinga er organisert i fem geografiske område. Kvart område vert leia av ein områdeleiar med overordna ansvar for fag, økonomi og personal. I område nord treng vi no ein ny leiar til ei sentral leiarrolle i ei spanande tid med stort politisk fokus på tannhelse og viktige utviklingsprosessar i Vestland tannhelseteneste.