About this role
Om avdelinga: Vil du jobbe i eit triveleg og godt arbeidsmiljø med spennande oppgåver? Straume bu og servicesenter er eit unikt og levande senter lokalisert sentralt på Straume. Vi har ei flott personalgruppe som saman gjer sitt beste for at våre bebuarar skal få vere aktiv, oppleve tryggleik og meistring. På senteret jobbar det sjukepleiarar, vernepleiarar, musikkterapeut, helsefagarbeidarar, miljøterapeutar og assistentar. Dei tilsette ved senteret skal ha eit godt arbeidsmiljø der fagleg utvikling og kontinuerleg forbetring vert vektlagt. Senteret inneheld tre bufellesskap, ei dagavdeling og 27 omsorgsbustader. Det er no ledig 80% fast stilling på vårt dagsenter med 15 brukarar. Delar av stillinga er knytt til bufellesskap for vaksne utviklingshemma. 20% av stillinga er knytt til timebank som er lagt inn i årsturnus. Arbeidsoppgåver: Du må trivast saman med menneske og ønskje å yte ditt beste for å ivareta våre brukarar. Dei vi skal hjelpe har ulike behov, og du må kunne utføre varierte oppgåver knytt til stell, pleie og aktivitet. Omsorg og pleie av brukarar ved senteret Delta i aktivitetar saman med brukarane. Medansvarleg for eit godt sosialt og fagleg arbeidsmiljø Dokumentasjon i gjeldande fagjournal Kjenna til og etterleva gjeldande rutine i vårt kvalitetssystem Rettleia elevar, studentar og lærlingar Kvalifikasjonar: Må ha: Autorisasjon som vernepleiar eller anna 3 årig relevant helsefagleg utdanning. Autorisert helsefagarbeidar kan verta vurdert til stillinga dersom ein ikkje får kvalifiserte søkjarar. Gyldig politiattest Førarkort klasse B Ønskjeleg med: Erfaring med og engasjement for brukargruppa Personlege eigenskapar: Fagleg engasjert og trygg i rolla som fagperson Er god til å arbeida både sjølvstendig og i team Har eit godt humør og bidrar aktivt til eit godt arbeidsmiljø Løysingsorientert Engasjerer deg og er positiv i møte med både brukarar og pårørande Likar nye utfordringar Vi tilbyr: Gratis parkering Gode pensjons- og forsikringsordningar Ein spennande arbeidsplass med godt arbeidsmiljø Motiverte og kunnskapsrike kollegaer Interessante utfordringar Høve til fagleg og personleg utvikling Vi tilbyr startlån for å rekruttere og behalde helsepersonell. Sjå kommunens heimeside for meir informasjon om Startlån Kontaktperson: Avdelingsleiar Astrid Geitle: 913 19 622 Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det. Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. Link til søknadsskjema: Søk her Om arbeidsgiveren: Øygarden kommune er den nest største kommunen i Vestland fylke med om lag 40 700 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet. Administrasjonsspråket i Øygarden er nynorsk. Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.