About this role
Vil du leie medisinsk fagutvikling ved eit av Noregs mest unike lokalsjukehus?Ved Odda sjukehus har vi no ledig fast stilling som avdelingsoverlege i medisinsk fagområde. Dette er ei nøkkelstilling for deg som ønskjer å kombinere klinisk arbeid med fagleg leiing, utvikling av tenesta og vidareutvikling av framtidas lokalsjukehus. Odda sjukehus er ein viktig del av Helse Fonna sitt akuttilbod og gir tenester til innbyggjarane i Hardanger og indre delar av Sunnhordland. Sjukehuset har akuttmedisinsk beredskap, poliklinikkar og sengepostar innan fleire fagområde, og er kjenneteikna av korte avstandar, brei kompetanse og tett samarbeid på tvers av profesjonar. Som avdelingsoverlege vil du vere ein sentral bidragsytar i arbeidet med å sikre robuste tenester og vidareutvikle medisinsk behandling ved sjukehuset. Du vil få ei viktig rolle i rekruttering, utdanning og fagutvikling, samt vere ein fagleg rådgivar for leiinga. I Odda får du høve til å kombinere spennande medisinsk arbeid med ein unik livsstil. Her har du nærleik til fjord, fjell, ski og friluftsliv året rundt. Trolltunga, Folgefonna og Hardangervidda ligg rett utanfor døra. Samstundes er du del av eit sterkt fagmiljø med tett samarbeid på tvers av spesialitetar. Vi ønskjer kandidatar som vil vere med å forme framtida for medisinske tenester ved Odda sjukehus.Oppstart etter avtale.