About this role
Har du lyst på utfordrande arbeidsoppgåver i verdas beste vesle Stad? Vi søkjer etter ny Driftsoperatør innan vatn, avløp og overvatn (VAO).Kommunalteknikk er ei eining under kommunalområdet Kultur og Samfunn i Stad kommune, saman med Eigedom, Kultur, Plan og forvaltning og Brann. Kommunalteknikk har ansvaret for all offentleg infrastruktur i kommunen. Vi driftar og vedlikeheld kommunalt vegnett, parkanlegg, kommunale hamner, kommunaltekniske anlegg og infrastruktur knytt til vassforsyning, avløp og overvasshandtering. Kommunalteknikk har totalansvar for planlegging, utbygging, forvaltning, drift og vedlikehald av alle kommunale vann- og avløpsanlegg i Stad kommune. Kommunalteknisk drift er delt inn i to driftsgrupper: Vegdrift og park, samt driftsgruppe VAO.Driftsgruppe VAO - vatn, avløp og overvatn, har ansvar for drift og vedlikehald av eit transportsystem med 350 km VAO ledningsnett. Vi har 9 vassverk, 12 høgdebasseng, 16 små og store renseanlegg for avløp, og 34 pumpestasjonar for avløp. VAO har til saman 10 tilsette pr i dag. Stillinga som driftsoperatør VAO går inn i dette driftsteamet.Stad kommune har vedteke tre nye temaplanar på vatn, avløp og overvatn i 2022-2034, med mange naudsynte investeringar i planperioden. Vi skal gjennomføre både store og små investeringsprosjekt dei komande åra. Det skal bl.a byggjast nytt renseanlegg på Nordfjordeid, og i Selje, nye høgdebasseng, samt leidningsfornying.