About this role
Kreft sengepost har ledig 100 % vikariat som sjukepleiar. Vikariatet har ei varigheit på eitt år, med moglegheit for forlenging. Stillinga inneber turnusarbeid med dag-, kvelds- og helgevakter. Oppstart 31.08.2026 eller etter nærare avtale. Om avdelinga Kreft sengepost behandlar pasientar med diagnostisert kreft og blodsjukdommar samt pasientar som treng lindrande behandling. Vi behandlar pasientar som kjem til planlagt behandling, men også til akutthjelp. Vi er opptekne av tverrfagleg arbeid og samarbeider mellom anna tett med palliativt team. Kreft sengepost flytta hausten 2024 inn i nytt og moderne sjukehus der vi no er plassert i lag med kirurgisk sengepost, som vi også samarbeider tett i lag med. Er du sjukepleiar og tenkjer deg på flyttefot? Førde sentralsjukehus ligg i Sunnfjord kommune, sentralt i Vestland fylke. Sunnfjord kan tilby rike naturopplevningar frå fjell til fjord året rundt. Kulturlivet er variert med teater, kino, konsertar og utstillingar, samt fleire tilbod innan idrett- og friluftsliv. Det er elles gode samband med buss og fly til både Oslo og Bergen viss storbylivet skulle freiste. Arbeidsoppgåver Pleie, behandling og oppfølging av pasientar med kreft, blodsjukdommar, og til pasientar som treng lindrande behandling. Administrering og oppfølging av medikamentell kreftretta behandling. Vi arbeider i team to og to og har ei form for primærsjukepleie. Tilbodet i avdelinga skal også inkludere nære pårørande/familie. Opplæring av studentar og nytilsette. Ta del i den til ein kvar tid oppgåver som ligg til avdelinga. Vere med på å utvikle og forbetre avdelinga sitt arbeid innan pasienten si fremtidige helsetjeneste. Kvalifikasjonar For stilling som sjukepleiar krevst dokumentert autorisasjon Må beherske godt norsk, både munnleg og skriftleg. Erfaring frå fagområdet er ein fordel, men ikkje eit krav. Kompetanse, inkludert personlege eigenskapar og erfaring vert vektlagt. Personlege eigenskapar Vi vil gjerne ha ein medarbeidar som er engasjert i faget og motivert for varierte problemstillingar. Vi ser etter deg som ønskjer å utvikle eigen kompetanse, samt avdelinga i si heilheit. Det er viktig å kunne arbeide både sjølvstendig og i team. Fagleg utvikling, evne til fleksibilitet og omstilling er eigenskapar som er viktige hos oss. Vi er ei inkluderande gruppe som hjelper kvarandre, og det er lav terskel for å stille spørsmål. Vi tilbyr Ein spennande, læringsrik og utfordrande jobb God opplæring og mentorordning på omlag 4 veker Eit godt arbeidsmiljø med mange trivlege kollegaer Lønn i samsvar med gjeldande overeinskomst Gode pensjons- og forsikringsordningar Vi tilbyr langvakter både kvardag og helg Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse. KontaktinformasjonIda Juklestad, Seksjonsleiar, +47 57839313 ArbeidsstedSvanehaugvegen 2 6812 FØRDE Nøkkelinformasjon:Arbeidsgiver: Helse Førde Referansenr.: 5150038911 Stillingsprosent: 100% Vikariat Startdato: 31.08.2026 Sluttdato: 29.08.2027 Søknadsfrist: 09.07.2026 Om arbeidsgiveren: Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.