About this role
I samband med pågåande omorganisering ønskjer vi å styrkje den administrative støtta i tenesteområdet pleie og omsorg (PO). Søknadsfrist 01.07.2026. Vi søkjer ein strukturert og utviklingsorientert medarbeidar som vil få ei sentral rolle i å koordinere og vidareutvikle administrative prosessar i pleie- og omsorgstenestene. Stillinga kombinerer dagleg drift med moglegheit til å påverke arbeidsprosessar, ressursstyring og digitale løysingar på tvers av tenestene. Merkantil konsulent 80% fast stilling. Stillinga er organisert under tenesteleiar for pleie og omsorg. Arbeidsoppgåver Koordinere vaktbok og innleige ved fråvær Bidra til god bemanningsplanlegging og turnusarbeid Følgje opp og kvalitetssikre grunnlag for løn Administrere og koordinere ordninga med støttekontaktar Utarbeide arbeidsavtalar og følgje opp administrative delar av tilsettingsprosessar knytt til vikarar og mellombels tilsette Vere helsetenestene sin kontaktperson mot Abakus, som bistår kommunen med offentlege anskaffingar og innkjøpsprosessar Bidra til utvikling og forbetring av administrative rutinar og arbeidsprosessar Andre administrative oppgåver innan tenesteområdet Kvalifikasjonar og eigenskapar Evne til å handtere eit høgt arbeidstempo og varierte oppgåver Gode samarbeidsevner og evne til å sjå tenestene i samanheng Evne til å løfte blikket og bidra til heilskapleg utvikling Digital kompetanse og interesse for digitale løysingar Personleg eignaheit vil bli vektlagt Vi tilbyr Ei spennande og utviklingsorientert stilling i eit tenesteområde i endring Moglegheit til å påverke og utvikle arbeidsprosessar på tvers av tenester Eit samarbeidsorientert arbeidsmiljø Lom kommune er i utvikling Vi arbeider kontinuerleg med å utvikle tenestene våre, ta i bruk nye digitale løysingar og finne smartare måtar å arbeide på. Målet er å skape gode tenester for innbyggjarane, samtidig som vi nyttar ressursane våre best mogleg. Derfor ser vi etter medarbeidarar som er opne for endring, nysgjerrige på nye arbeidsformer og som ynskjer å bidra til utvikling og forbetring. Om arbeidsgiveren: Lom er kjend for sin mektige natur, si friske luft og varierte opplevingar. I Jotunheimen nasjonalpark finn du dei høgaste fjella i Norge, som Galdhøpiggen og Glittertind. Det populære friluftsområdet har lange tradisjonar knytt til fotturisme, klatring og tinderangling, og byr på eit omfattande nett av merka ruter og trivelege turisthytter. Kommunen har eit kompakt sentrum med tilgang til fleire aktivitetar og opplevingar, butikkar, kafear, hotell og restaurantar. Mest kjend er kanskje Bakeriet i Lom. Velkomen til Lom!