About this role
Førebyggjande helsetenester har ansvar for helsestasjon 0-5 år, skulehelseteneste 6-20 år, svangerskaps- og barselomsorg, fysioterapiteneste til born/ungdom, helsestasjon for ungdom, flyktninghelseteneste og smittevern/reisevaksinering. Tenesta skal fremje psykisk og fysisk helse, gode sosiale og miljømessige forhold og gjennom helsefremjande og sjukdomsførebyggjande arbeid, medverke til ei god folkehelse. Det er ledig vikariat i 100% stilling for Fysioterapeut - for barn og ungdom 0-16 år, i perioden 01.09.2026 - 31.08.2027 Ergoterapeut vil verta vurdert om det ikkje er søkjarar med fysioterapeututdanning. Arbeidsoppgåver: Oppfølging av barn med særskilte behov 0-16 år Undersøking og oppfølging av born med motoriske vanskar/skeivutvikling Drift av helsestasjonsgrupper, i samarbeid med helsesjukepleiar Koordinering av tenester til barn med langvarige, samansette behov Undervisning, rettleiing og oppfølging av personale i barnehagar og skular Tverrfagleg samarbeid med interne og eksterne samarbeidspartar Tilrettelegging av fysisk miljø/tilpassing av hjelpemiddel Dokumentasjon i tråd med føringar Me ønskjer ein person som: Er ansvarsbevisst, nøyaktig, og strukturert Er fagleg oppdatert og engasjert i fagleg utvikling og kunnskapsbasert praksis Har høg arbeidskapasitet, er påliteleg, fleksibel, og har gode kommunikasjons- og samarbeidsevner. Har evne til å arbeide målretta og sjølvstendig Det vert lagt særskilt vekt på personlege eigenskapar Kvalifikasjonar: Autorisasjon som fysioterapeut, om ikkje det er søkjarar med fysioterapeut utdanning så vil ein vurdere søkjarar med ergoterapeut utdanning. Relevant erfaring med barn og unge vert vektlagt Søkjar må beherske norsk, munnleg og skriftleg Den som vert tilsett må ha førarkort Gyldig politiattest Me kan tilby: Eit positivt og godt arbeidsmiljø med spennande arbeidsoppgåver Inkluderande arbeidsmiljø - IA bedrift Høgt fagleg nivå Etablert tverrfagleg samarbeid Løn og arbeidsvilkår etter gjeldande lov- og avtaleverk i kommunen Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm Offentleg tenestepensjon Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje. Om arbeidsgiveren: Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.