About this role
Helse Bergen har ledig 100% fast stilling som leiar for Høyresentralen, ØNH-avdelinga, Klinikk Hovud/hals.Klinikk Hovud/hals består av to avdelingar; Øyre-Nase-Hals (ØNH)- og Kjevekirurgisk avdeling. Sengeposten hovud/hals inkluderer også augeavdelingas inneliggande pasientar. Klinikken har nær 2000 innleggingar, 3000 dagkirurgiske og 45 000 polikliniske pasientkonsultasjonar kvart år. Høyreresentralen er ein eining i ØNH-avdelinga, som blir drive i samarbeid med ØNH-poliklinikken og tett fagleg teamsamarbeid med legar i øyreseksjonen ØNH.Høyresentralen har per i dag 16 tilsette (14,7 årsverk), og blir drifta hovudsakleg på to lokalisasjonar i Sentralblokka (vaksne) og Glasblokkene (barn/ungdom).
Fagmiljøet tilknytt Høyresentralen spelar ei viktig rolle lokalt, regionalt, så vel som nasjonalt. Klinikken og Høyresentralen går spennande tider i møte. Høyrselsfeltet har fått auka fokus i oppdraget med mål om redusert ventetid. Plan er lagt for oppstart av prøveprosjekt med høyreapparattilpassingar lokalt ved Region Nordhordland helsehus primo 2027.Oppstart etter nærare avtale.