About this role
Medisinsk sengepost 1 ved Førde sentralsjukehus søkjer sjukepleiar/spesialsjukepleiar til 100% fast stilling.Vi søkjer deg som har fagleg engasjement og ønskjer å bidra til trygg og kvalitetsretta pasientbehandling. Medisinsk sengepost 1 har flytta inn i eit nytt og moderne sjukehus. Vi har nyre, diabetes og endokrinologi, geriatri og hjartesjukdommar som spesialiserte fagfelt. Hos oss får du ein variert arbeidskvardag og eit mangfald av kollegaer som du kan samarbeide, rådføre og støtte deg til. Her er det gode moglegheiter for fagleg utvikling og nye erfaringar. Helse Førde satsar på geriatri som fagfelt og byggjer opp eit sterkt fagmiljø for å møte behova til innbyggarane. Geriatrisk sengepost har fem senger i Medisinsk sengepost 1 i 8. etasje. Geriatrisk poliklinikk er samlokalisert med vår etasje og ligg under medisinsk sengepost.