About this role
Vil du bidra til at barn i fosterheim har det trygt og godt? Setesdal barnevern søkjer ein tilsynsperson for barn som bur i fosterheim.Vi ser etter ein trygg og engasjert vaksen som er god til å lytte, skape tillit og møte barn og unge med respekt. Setesdal barnevern er ei interkommunal barnevernsteneste for Bykle, Valle og Bygland, med Valle som vertskommune. Som tilsynsførar i Setesdal barnevern skal du føre uavhengig tilsyn med at barn får forsvarleg omsorg i fosterheimen, og at føresetnadene for plasseringa blir følgde opp. Du skal bidra til at barnet blir høyrt, og vere ein person barnet kan snakke med om korleis det har det – også om forhold som opplevast vanskelege i fosterheimen eller i kontakten med barnevernstenesta. Det er viktig at du kan følgje barnet over tid og byggje ein trygg relasjon. Stillinga er fast oppdrag og ledig frå d.d.