About this role
Nav Bergen sentrum er regionkontor i Nav region Bergen og bydelskontor for Bergenhus og Årstad bydel. Vi held til i moderne kontorlokale med utsikt over Store Lungegaardsvann, nært bybanen, og har over 300 engasjerte tilsette. Hjå oss møter du kollegaer med ulik bakgrunn og kompetanse, sterke fagmiljø og eit arbeidsfellesskap som er oppteke av læring, samarbeid og utvikling. Saman jobbar vi for å løyse eit viktig samfunnsoppdrag og gjere ein forskjell for menneske og samfunn.
Vi søkjer no ein utviklingsorientert og relasjonssterk avdelingsleiar til ei avdeling som følgjer opp ungdom og unge vaksne i Bergenhus og Årstad bydel.Vi ser etter ein leiar som evnar å skape gode resultat gjennom medarbeidarane sine, og som utøver tillitsbasert leiing ved å gi handlingsrom, bygge ansvarskjensle og leggje til rette for meistring og utvikling. Du byggjer ein kultur prega av samarbeid, læring, openheit og kontinuerleg forbetring. Om stillingaSom avdelingsleiar får du ansvar for ei avdeling som følgjer opp og rettleier ungdom og unge vaksne med behov for bistand til å kome i arbeid eller utdanning.
Avdelinga består av om lag 13 engasjerte medarbeidarar med variert fagbakgrunn. Du får personal-, resultat- og fagansvar, og blir ein del av leiargruppa ved Nav Bergen sentrum. Avdelinga samarbeider tett med dei andre avdelingane på kontoret, helsevesen, utdanningsinstitusjonar, arbeidsgjevarar og andre relevante samarbeidspartnarar for å skape gode moglegheiter for målgruppa. Hjå oss får du moglegheita til å leie og utvikle eit sentralt fagområde i Nav, med eit viktig samfunnsoppdrag og eit sterkt fagleg fellesskap.