About this role
Vi har ledig vikariat som fagarbeidar i Breim barnehage frå snarast og ut barnehageåret 2026-27. Ei 60 % stilling frå november til 14. august 2027. Ei 100% stilling frå 1. mars til 14. august 2027. Dersom det ikkje melder seg kvalifiserte søkjarar, vert tilsetting av assistent vurdert. Breim barnehage har fem avdelingar. Barnehagen ligg på Reed, ca 15 min frå kommunesenteret Sandane. Barnehagen har språk og inkluderande barnehagemiljø som satsingsområde. Barnehagen har kjøkenhage og gymsal. Barnehagen er sertifisert som Trafikksikker barnehage og Miljøfyrtårn. Arbeidsoppgåver Den som vert tilsett har medansvar for omsorg, leik og pedagogisk aktivitet med barn i alderen 0-6 år. Deltaking i planlegging, evaluering og gjennomføring av arbeidet på avdeling. Arbeid etter rammeplan for barnehagar, årsplan og den beste praksis som er definert på avdeling. Arbeid sjølvstendig og i team. Medansvar for foreldresamarbeidet. Arbeid etter rutinar som gjeld på den aktuelle avdeling. Kvalifikasjonar Vi søkjer primært etter fagarbeidar, men det kan verte aktuelt å vurdere assistent. Praksis frå arbeid i barnehage vil telje positivt. Personlege eigenskapar vert vekta høgt. Menn vert oppmoda om å søkje. Personlege eigenskapar Vår nye medarbeidar må kunne godt norsk både skriftleg og munnleg. I arbeidet med barn i barnehage må du bruke språket aktivt og sette ord på det du ser og gjer saman med barna. Du må vere aktivt deltakande i leik og aktivitet. Du må vere ein tydeleg vaksen som støttar og utfordrar barn til meistring. Vi søkjer etter ein engasjert medarbeidar som set barnegruppa sine behov i høgsete for sitt arbeid på avdelinga, og på den måten bidreg til at barnehagen vert ein trygg og utviklande stad å vere. Vi tilbyr God oppfølging av nytilsette. Godt arbeidsmiljø Fagleg miljø med fokus på utvikling og kvalitet Lønn etter tariff i samsvar med godkjend utdanning og praksis. Tilsetjing på kommunale vilkår. Pensjonsordning gjennom KLP. Prøvetid på seks mnd ved tilsetting. Tilfredsstillande politiattest må leggast fram før tiltreding. KontaktinformasjonAnette Støyva, Barnehagestyrar Breim barnehage, +47 468 73 568 Arbeidsstad 6823 Byrkjelo Nøkkelinformasjon:Arbeidsgivar: Gloppen kommune Referansenr.: 5192502902 Stillingsprosent: 100, 60% Vikar Startdato: 01.11.2026 Sluttdato: 14.08.2027 Søknadsfrist: 25.10.2026 Om arbeidsgiveren: Gloppen kommune, med Sandane som kommunesenter, har om lag 5.800 innbyggjarar og er ein del av Nordfjord sin felles bu- og arbeidsmarknad på 40 – 50.000 menneske. Flyplassen i Nordfjord - Sandane lufthamn - ligg i Gloppen, og vi har gode kommunikasjonar til resten av fylket og landet. Kommunen har eit stort og aktivt miljø innan musikk, idrett og kultur, og kommunen har vore kåra som både årets kulturkommune og årets musikkommune. Vi har flott natur og det er godt tilrettelagt for friluftsliv sommar som vinter. Vi har symjehall, idrettshall, kino og konsertsal. Fine forhold for stisykling. Her er alpinsenter og fleire langrennsløyper. Gloppen har gode barnehagar og skular, og gode offentlege tenester. Kommunen har i tillegg til grunnskule og kulturskule også folkehøgskule og vidaregåande skule. Næringslivet i kommunen er variert og prega av optimisme.