About this role
Helse Bergen, Haukeland universitetssjukehus har ledig 3 vikariat for lege i spesialisering i hud- og veneriske sjukdommar frå 1. januar 2027. Vikariata er ledig i 8 månader frå tilsetting med moglegheit for tilsvarande forlenging. Vikariatet kan tene som del av spesialistutdanninga.Vi har sengepost på 15 senger som vi deler med revmatologane, ein stor dagpost og poliklinikk, inkludert poliklinikk for seksuelt overførte infeksjonar og ein satelittpoliklinikk i Knarvik (Nordhordland) som alle legar må rekne med å ha tjeneste ved. Vi har om lag 42000 polikliniske pasientkonsultasjonar. Avdelinga er regionavdeling og universitetsklinikk i Helse Vest og den einaste med døgnsenger for hudsjuke i regionen. Avdelinga dekker heile spekteret av akutt og kronisk hud- og venerisk sjukdom, og er leiande innan fagområde når det gjeld pasientbehandling, grunn- og spesialistutdanning, samt forsking. Hudkreft og inflammatorisk hudsjukdom, særleg psoriasis, er hovudtema i forskinga. Vi arbeider aktivt med forbetring av pasientforløp og har brukarmedverknad som særleg fokus.Våre 7 LIS sirkulerer ved alle seksjonane, start er avhengig av kompetansenivå ved start i stillinga. Tre av stillingane er øyremerka for kandidatar frå andre føretak i Helse Vest som treng teneste ved universitetsklinikken for å oppnå læringsmål. Det er for tida 7-delt vaktteneste for LIS, med spesialist i bakvakt 24/7.