About this role
Vestland fylkeskommune har ledig 100 % fast stilling som spesialkonsulent/rådgjevar i fageining kulturproduksjon. Fageininga er del av seksjon for kulturformidling, som ligg i avdeling for kultur og folkehelse. Oppgåver som ligg til fageininga er forvaltning av Den kulturelle skulesekken (DKS) og Ung kultur møtast (UKM), i tillegg til fylkes- og distriktsmusikarordningane. Gjennom DKS og UKM forvaltar fylkeskommunen to sentrale kulturordningar for barn og unge. Stillinga vil ha hovudansvaret for UKM, i tillegg til oppgåver knytte til DKS. Vi søkjer deg som har hjarte for kultur, deg som ønskjer å bidra til at alle barn og unge i Vestland får likeverdig tilgang til profesjonelle kunstopplevingar og ein arena for eiga skapande deltaking. Avdelinga har lokasjon i Bergen, Førde og Leikanger. Den som vert tilsett får arbeidsstad Bergen eller Førde. Tilsetjing så snart som råd. Arbeidsoppgåver Hovudansvar og løpande oppfølging av UKM-ordninga i samarbeid med kollegaer på fageininga Planlegging og gjennomføring av den årlege UKM fylkesfestivalen for Vestland Samarbeid med kommunar og UKM Norge om UKM-ordninga Strategisk utviklingsarbeid for å vidareutvikle og styrkje UKM i Vestland Utarbeiding av politiske saker og saksframlegg knytt til fagområdet Oppgåver knytte til DKS, mellom anna utvikling av DKS-tilbodet til grunnskular og vidaregåande skular Deltaking på nasjonale fagsamlingar og i nasjonale drøftingar Andre oppgåver i fageininga som det er naturleg å leggje til stillinga Kvalifikasjonar Relevant utdanning frå høgskule/universitet på bachelor- eller masternivå God skriftleg og munnleg framstillingsevne God digital kompetanse Kulturfagleg bakgrunn og erfaring med kulturformidling til barn og unge er ynskjeleg Kjennskap til offentleg forvaltning og sakshandsaming er ein føremon Kjennskap til UKM, DKS og skuleverket er ein føremon Personlege eigenskapar Har evne til å arbeide under høgt tempo, med strenge tidsfristar og mange oppgåver samstundes Arbeider sjølvstendig, nøyaktig og strukturert Har gode samarbeidsevner og evne til å byggje nettverk Kommuniserer tydeleg, både skriftleg og munnleg Er serviceinnstilt og løysingsorientert Er utviklingsorientert og tek initiativ Har interesse og forståing for kulturformidling til barn og unge Vi tilbyr Ei spennande stilling i ein framtidsretta organisasjon Eit inkluderande og sterkt fagmiljø med kunnskapsrike kollegaer Ein meiningsfull og samfunnsnyttig arbeidskvardag Fleksibel arbeidstid Gode pensjons- og forsikringsordningar Løn etter avtale KontaktinformasjonCharlotte Espeland, leiar, +47 48995606 ArbeidsstadLars Hilles gate 22 5008 Bergen Nøkkelinformasjon:Arbeidsgivar: Vestland fylkeskommune Referansenr.: 5131559185 Stillingsprosent: 100% Fast Søknadsfrist: 25.10.2026 Om arbeidsgiveren: Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland. Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort. Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.