About this role
Om avdelinga: Tiltaket for einslege mindreårige flyktningar består av eit bufellesskap og fleire bukollektiv, og er organisert i barneverntenesta under kommunalsjef oppvekst. I bufellesskapet er det kapasitet til 5-6 ungdomar, og pr. i dag bur det fem ungdomar der. I tillegg er det busett fleire ungdomar i eigne bustader som høyrer til under EM Tiltaket. Det er totalt åtte miljøterapeutstillingar i bufellesskapet, som alle jobbar i langvaktturnus. Bufellesskapet er lokalisert på Brattholmen, på Lille Sotra. Arbeidsoppgåver: Miljøterapeutisk oppfølging av ungdom i bufellesskapet Skape tillit og trygg relasjon til ungdommen med fokus på å utvikle sjølvstende Samarbeid med relevante samarbeidspartnarar. Arbeida i tråd med gjeldande lovverk, faglege retningslinjer og vedtekne rutinar. Bidra til fagutvikling, kvalitetsarbeid og eit godt arbeidsmiljø. Forvaltning etter lov om barnevern Kvalifikasjonar: Må ha: Bachelorutdanning innan relevant fagområde barnevernspedagog, sosionom eller vernepleier. Relevant erfaring frå arbeid med ungdommar, med vekt på miljøterapeutisk arbeide, relasjonsbygging og TBO. Gode norskkunnskapar, både munnlege og skriftleg. Førarkort klasse B. Ønskjeleg med: God skriftleg framstilling Personlege eigenskapar: Er trygg, robust og bevarer ro og fagleg vurderingsevne i krevjande situasjonar. Har gode relasjonelle ferdigheiter og evne til å skapa tillit over tid. Er fleksibel, løysingsorientert og tek ansvar. Har gode samarbeidsevner og trives med å arbeide tett sammen med kollega og samarbeidspartnere. Bidreg aktivt til eit godt arbeidsmiljø og fagleg utvikling. Anna: For tida er arbeidet organisert i døgnturnus. Turnus inneber samanhengande arbeids periodar på 2-3 døgn på arbeidsstaden, etterfølgt av friperiodar. Arbeidstidsordninga er etablert for å ivareta brukaren sine behov og kan bli endra behova i tenesta eller andre vilkår tilseier det. Gyldig politiattest må leggjast fram før tilsetjing. Vi tilbyr: Gode pensjons- og forsikringsordningar Lønn etter gjeldande tariffavtale Ei meiningsfull og fagleg spennande stilling der du kan gjera ein forskjell Moglegheiter for fagleg utvikling, rettleiing og tverrfagleg samarbeid. Eit godt arbeidsmiljø med engasjerte og dyktige kollegaer Kontakt Avdelingsleiar Marian Austrheim tlf: 92485977 [email protected] Einingsleiar barnevern Hege Gundersen tlf: 93484846 [email protected] Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det. Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. Link til søknadsskjema: Søk her Om arbeidsgiveren: Øygarden kommune er den nest største kommunen i Vestland fylke med om lag 40 700 innbyggjarar og om lag 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong, Ågotnes og i Skogsskiftet. Administrasjonsspråket i Øygarden er nynorsk. Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.