Pedagogisk leiar @ Employer

Vil du vere med og skape ein god stad å vera, leika og læra? Sand barnehage søkjer ein engasjert pedagogisk leiar i 100 % vikariat frå 01.01.2027 - 31.12.2027. Me ynskjer ein medarbeidar som brenn for barns utvikling, leik og læring, og som vil bidra til eit trygt, inkluderande og inspirerande barnehagemiljø. Om Sand barnehage «Du er viktig for oss!» I Sand barnehage skal alle barn og vaksne oppleve tryggleik, omsorg, vennskap og meistring. Me legg til rette for leik, læring og utvikling i eit inkluderande fellesskap der kvart barn blir sett, høyrt og verdsett. Våre satsingsområde · Leik, leikemiljø og prosjektarbeid som arbeidsmetode · Trygt og godt barnehagemiljø · Fellesskap, mangfald og inkludering · Relasjonskompetanse · Språk og kommunikasjon Arbeidsoppgåver · Leie og utvikle det pedagogiske arbeidet på avdelinga · Sikre eit trygt, godt og inkluderande barnehagemiljø · Planleggje, gjennomføre, dokumentere og evaluere pedagogisk arbeid · Vere ein aktiv deltakande vaksen i leik og aktivitet saman med barna · Rettleie og støtte medarbeidarar i det daglege arbeidet · Samarbeide tett med føresette · Delta i tverrfagleg samarbeid med aktuelle instansar · Bidra til utvikling av barnehagen som lærande organisasjon Kvalifikasjonar · Godkjend barnehagelærarutdanning · Leiarerfaring eller erfaring frå pedagogisk arbeid i barnehage er ønskjeleg · God norsk munnleg og skriftleg framstillingsevne · Digital kompetanse Personlege eigenskapar Me ser etter deg som: · Er varm, tydeleg og relasjonssterk · Har engasjement for barns leik og læring · Er strukturert og løysingsorientert · Kan motivere og inspirere kollegaer · Er fleksibel og samarbeidsvillig · Tek ansvar og viser initiativ Me tilbyr · Eit godt arbeidsmiljø med høgt fagleg engasjement · Dyktige og støttande kollegaer · Faste møtearenaer for fagleg utvikling · Moglegheit til å påverke og utvikle barnehagen · Løn og arbeidsvilkår etter gjeldande avtaleverk Kraftlaget – kva får du hos oss? Arbeidsmiljø Velferdsutvalet arrangerer fast sommarfest, kom-i-form-konkurransar, og fjellturar. Dei arrangerer og andre samlingar innimellom, og du kan då blant anna bli med på middag, kurs, kino eller foredrag. Dette er frivillige aktivitetar, men gir gode moglegheiter for å bli kjent med kollegaer i heile Kraftlaget. Fleksibilitet og kvardagsliv Me gir ekstra lønnstillegg til pedagogar og prøver å vere fleksible for tilsette med faste arbeidsplanar, særleg ved behov knytt til familie og livssituasjon. · Pedagogisk leiar i barnehage under 10 års ansiennitet: 30 000 kroner · Pedagogisk leiar i barnehage 10 års ansiennitet: 32 000 kroner · Pedagogisk leiar i barnehage 16 års ansiennitet: 37 000 kroner Utviklingsmoglegheiter Me har ordningar for vidareutdanning og kompetanseheving, både internt og gjennom regionale fagnettverk. Bu i Suldal Dersom du bur i Suldal kan du få sletta deler av studielånet ditt. Du kan og pøvebu i ein av våre nye rekrutteringsbustadar. Hjå oss i Suldal kommune får du: · Faglege og personlege utfordringar i eit godt og inspirerande arbeidsmiljø · Engasjerte og dyktige kollegaer · Bedriftshelseteneste · Gode løns- og tilsetjingsvilkår over tariff · Nynorsk som administrasjonsspråk · Høve til innmelding i lokalt kunstlag for fast tilsette Andre opplysningar: · Aktuelle søkjarar vert kalla inn til intervju · Det er krav om godkjend politiattest etter gjeldande lovverk ved tiltrede. Attesten kan ikkje vere eldre enn tre månadar · Kontaktinformasjon for stillinga finn du til høgre for annonsa · Kommunen følgjer offentlighetslova § 25 ved eventuell offentleggjering av søkjarliste Velkommen som søkjar! Me ser fram til å høyra frå deg! Om arbeidsgiveren: Velkommen til Skattkammeret Suldal - Rogalands største kommune i areal, og eit levande samfunn rik på naturressursar og kreativ kraft. Me er stolte av å være ein nyskapande arbeidsgjevar. Me omfamnar LEAN-prinsippa for å skapa makalause tenester, og søkjer alltid etter dedikerte medarbeidarar som ønskjer å bli med på reisa vår. Om du søkjer ein meiningsfull karriere, samtidig som du ønskjer eit balansert og aktivt kvardagsliv, er Suldal plassen for deg. Det rike kulturlivet i Suldal gir liv til samfunnet, både i grendene og på vårt aktive kulturhus på Sand. Her ligg også sentralidrettsanlegget med idrettshall, sandhall og Suldal bad. Hos oss finn du dei høgaste toppane i Rogaland, langstrakte vidder, idylliske grender tett på fjorden og 70 km med merka skiløyper i vintersesongen. Utforsk våre ledige stillingar og bli ein del av laget vårt. Velkommen til Suldal kommune – eksotisk, aktiv og trygg!