About this role
Vil du gjera ein forskjell i kvardagen til andre? Er du ein engasjert og trygg miljøarbeidar som ønskjer ein meiningsfull jobb? Trivst du med varierte arbeidsdagar, ansvar og gode relasjonar? Då kan dette vere moglegheita du har venta på! Notevarp, ei avdeling under Bu og meistring i Midt-Telemark kommune, søkjer no ein miljøarbeidar i 100 % vikariat. Hos oss blir du ein del av eit fagleg sterkt og inkluderande arbeidsmiljø der vi kvar dag arbeider for å skape gode liv, meistring og utvikling for menneska vi følgjer opp. På Notevarp bur menneske med ulike bistandsbehov, og som miljøarbeidar vil du bidra til å skape tryggleik, føreseielege rammer og innhaldsrike kvardagar. Ingen dagar er heilt like, og du får moglegheita til å nytte både fagkompetansen din og dei personlege eigenskapane dine i møte med brukarane. Du vil vere ein viktig støttespelar i kvardagen deira og bidra til å styrkje sjølvstende, meistring og livskvalitet. Gjennom gode relasjonar, tryggleik og fagleg oppfølging er du med på å leggje til rette for at kvar enkelt kan leve eit mest mogleg sjølvstendig og meiningsfullt liv. Hos oss står brukarmedverknad, respekt og individuelle behov i sentrum. Arbeidsoppgåver Miljøarbeid Følge dagsplaner til brukere Delta aktiv i teamet rundt bruker og ellers i miljøet Kvalifikasjonar Krav til kvalifikasjonar Beherske norsk skriftleg og muntleg (dokumentert B1 nivå) Ønska kompetanse Helsefagarbeider Barn og ungdomsarbeider Andre med relevant utdanning - og eller erfaring kan vurderes. Du bør ha kompetanse knyta til HOL kap.9 vedtak. Særskilde krav Krav om politiattest, jf. Lov om Helse og omsorgstjenester § 5-4. Politiattest skal framvisast før oppstart i stilling. Førarkort kl. B Personlege eigenskapar Du er engasjert, omsorgsfull og oppteken av å skapa gode relasjonar. Du arbeider sjølvstendig og tek ansvar. Du er fleksibel og løysingsorientert. Du handterer uventa situasjonar på ein trygg og roleg måte. Du bidreg aktivt til eit godt arbeidsmiljø. Du har gode samarbeidsevner og trivst med å arbeida i team. Du er oppteken av brukarmedverknad, meistring og livskvalitet. Personlig egnethet vil bli tillagt stor vekt Vi tilbyr E-læringskurset for nytilsette i Midt-Telemark kommune Lønn etter gjeldande lov og avtaleverk Gode forsikrings- og pensjonsordningar Kopi av vitnemål og attestar lastas opp som vedlegg i webcruiter. KontaktinformasjonLuul Elmi, Avdelingsleiar, +47 48232548 ArbeidsstadSkrivarvegen 1 3810 Gvarv Nøkkelinformasjon:Arbeidsgivar: Midt-Telemark kommune Referansenr.: 5164255529 Stillingsprosent: 100% Vikar Søknadsfrist: 05.10.2026 Om arbeidsgiveren: Me ønskjer i møte med innbyggjarane våre å fremja sjølvstende, kvardagsmeistring, tryggleik og oppleving av styring og kontroll i eige liv. Tenestene me yter skal bidra til å støtta opp under ressursane i personen og samtidig byggja opp under ansvaret til den enkelte og aktiv medverknad i eige liv. Me jobbar ut i frå «kva er viktig for deg?» metodikken og legg til rette for at pårørande, familie og nettverk medverkar i samsvar med ønska til den enkelte. I omsorgstrappa vår er hovudprinsippet at «så lenge eg kan bu heime, så bur eg heime». Me har høgt fokus på gode pasient-/brukarforløp mellom dei ulike trinna i omsorgstrappa. Midt-Telemark kommune er opptekne av mangfald og vi oppmodar kvalifiserte kandidatar til å søkje jobb hos oss uavhengig av alder, kjønn, funksjonshemming og etnisitet.