About this role
Om Kulatoppen omsorgssenter På Kulatoppen omsorgssenter møter du eit moderne og framtidsretta fagmiljø i heilt nye og renoverte lokale. Vi har 51 institusjonsplassar og 40 heildøgnsbemanna omsorgsbustader fordelt på 11 avdelingar. Med vår nye fløy og omfattande oppgradering framstår Kulatoppen som eit lyst, funksjonelt og profesjonelt omsorgssenter – til beste for både bebuarar og tilsette. Vi tilbyr eit breitt og variert pasienttilbod, med eiga korttids- og rehabiliteringsavdeling. Her finn du blant anna eige rehabiliteringskjøkken og takheiser på dei fleste pasientrom. Vi ligg i front på bruk av velferdsteknologi og har løysingar som Imatis samhandlingstavle, digitale arbeidslister, digitalt tilsyn og pasientvarsling med to-veis tale. Målet vårt er å sikre høg kvalitet i alle tenester og eit trygt og føreseieleg miljø for bebuarane. Eit godt og aktivt bumiljø Kulatoppen har eit flott uteområde med gangveg rundt heile bygget og ei fantastisk utsikt over Måløy og omegn. Her finn du sansehage, drivhus, grillplass, bocciabane, trim- og leikeapparat, samt bær- og frukttre – alt lagt til rette for aktivitet, kvile og gode opplevingar. Vi tilbyr varierte aktivitetar gjennom heile veka, med fokus på "Kva er viktig for deg?" og personsentrert omsorg. Slik legg vi grunnlaget for meiningsfulle og helsefremjande dagar for kvar enkelt bebuar. Eit fagmiljø som ser og verdset deg Som tilsett hos oss blir du ein del av eit stort og mangfaldig fagmiljø der kompetansen din blir lytta til og sett pris på. Vi prioriterer fagleg utvikling og tilbyr både kurs, opplæring og etisk refleksjon. Hos oss får du moglegheita til å påverke, utvikle deg og vere med på å styrke kvaliteten i omsorgstenestene våre. Arbeidsoppgåver Ha hovedansvar for sjukepleiefagleg oppfølging av alle pasientar på korttidsavdelinga, Aktivitetstunet. Være koordinator for pasientforløpa i avdelinga, med ansvar for heilhet, struktur og kvalitet Delta i inn- og utskrivningsprosessar, kartlegging, vurdering og oppfølging av pasientane Delta og følge opp tverrfaglege møter, mål-/oppfølgingsmøter Samarbeid med pårørande, heimeteneste og øvrige samarbeidspartar Ved behov bidra i andre avdelingar på Kulatoppen. Kvalifikasjonar Norsk autorisasjon som sjukepleiar, vidareutdanning i palliasjon og rehabilitering er ynskjeleg Gode norskkunnskapar, både muntleg og skriftleg Gode digitale kunnskapar Gyldig politiattest Personlege eigenskapar Strukturert, sjølvstendig og fagleg trygg God samarbeidsevne og trivast i koordinatorrolle Fleksibel og løysningsorientert Engasjert i fagleg utvikling og kvalitet i pasientforløp Bidrar positivt i arbeidsmiljøet Trivast med hyppig utskifting av pasientgruppa og faglege utfordringar Kommuniserer godt og samarbeider godt på tvers av profesjonar, pasientar og pårørande. Er framtidsretta, og har interesse for å ta i bruk og vidareutvikle velferdsteknologiske løysingar. Personlege eigenskapar vil bli tillagt stor vekt. Vi tilbyr Arbeid 37,5t./veke planlagt i årsturnus 1 år frå tilsetjing, mogleg fast stilling etter endt engasjement Dagvakt på vekedagar Engasjerte kollegaer og eit sterkt, tverrfagleg fagmiljø Varierte og spennande faglege utfordringar som gir deg moglegheit til å bruke og utvikle kompetansen din. Gode moglegheiter for personleg og fagleg utvikling Kompetanselønssystem som verdset og premierer fagleg styrke og vidareutdanning. Løn og arbeidsvilkår i samsvar med gjeldande lov- og avtaleverk. God pensjonsordning som gir tryggleik for framtida. KontaktinformasjonTone Husevåg, Tenesteleiar Kulatoppen, +47 99473470 ArbeidsstadYtre Kulen 73 6718 Deknepollen Nøkkelinformasjon:Arbeidsgivar: Kinn kommune Referansenr.: 5181918196 Stillingsprosent: 100% Engasjement Søknadsfrist: 11.10.2026 Om arbeidsgiveren: Vår visjon: I Kinn har vi gode fungerande lokalsamfunn, der vi realiserer det store potensiale på kysten, flotte bu- og fritidsområde og ei berekraftig utvikling. Vi er ein av dei største kommunane i Vestland fylke med våre 17.403 innbyggarar. Som arbeidsgjevar har vi med oss 1632 tilsette, og vi ønskjer deg velkommen med på laget. I alle stillingar knytta til helse og velferd og alle stillingar i oppvekst - må tilsette pårekne koordinatoransvar.