About this role
Profesional de orientación laboral para a atención e acompañamento de persoas migrantes, co obxectivo de favorecer a súa inclusión sociolaboral, autonomía e acceso ao mercado laboral. A persoa seleccionada desenvolverá procesos de orientación laboral individualizada, realizando diagnósticos de empregabilidade, identificación de competencias, intereses e necesidades, así como o deseño e seguimento de itinerarios personalizados de inserción e mellora da empregabilidade. Entre as súas funcións estará tamén informar e orientar sobre recursos de emprego e formación, apoiar na definición do obxectivo profesional, na procura activa de emprego, na elaboración e actualización do currículo, na inscrición en portais de emprego e na preparación de entrevistas e procesos de selección. Así mesmo, participará no deseño, organización e impartición de accións formativas e talleres grupais destinados á mellora das competencias profesionais, dixitais e sociolaborais das persoas participantes, favorecendo o seu coñecemento do mercado laboral e dos recursos existentes.