About this role
Med oss fer du rikare! Vi i Musea i Sogn og Fjordane søkjer deg som vil jobbe helgar og enkelte ettermiddagar hos oss på kunstmuseet i hjarte av Førde by. Du får relevant arbeidserfaring, du får arbeide saman med og bli kjent med kjekke kollegaer, du får lære om kunst- og kulturhistoria vår og du får møte mange menneske. Om stillinga Som helgevert spelar du ei viktig rolle som vertskap for museet, og du vil ta del i å løyse mange oppgåver på museet, både åleine og saman med andre. Du vil ha ei vertskapsrolle der du: tek imot besøkande på museet har førstelinjeteneste i resepsjon (telefon, billettsal) driv salg og varehandtering i butikk og café publiserer innhald i museet sine SoMe-kanalar informerer publikum om utstillingane har enkle administrative oppgåver har enkle reinhalds- og skjøtselsoppgåver inne- og ute Vi ser etter deg som: er flink til å uttrykke deg munnleg på norsk og engelsk trivst i ei vertskaprolle har interesse for og likar å formidle kunsthistorie tilpassar deg og trivast med variasjon i arbeidsoppgåver stiller opp og er til å lite på har ordenssans og får ting gjort er proaktiv og sørvissinnstilt er fylt 18 år Praktisk informasjon om stilling og søknad Vi har behov for vertar som er tilgjengelege frå starten av november og utover vinteren og våren 2027. Skriv gjerne i søknaden din når du kan jobbe. Opningstider: Museet er ope heile året frå tysdag-søndag. Arbeid følgjer vaktplan etter opningstider. Merk - mogleg behov ved bestilling og arrangement. Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn. Søknad registrerer du via lenke på denne sida. CV, vitnemål og attestar skal du laste opp under "Vedlegg". Vi gjer merksam på at søkarlista kan bli kravd gjort offentleg. Nærare opplysningar får du ved å vende deg til museumsleiar, sjå kontaktinfo nedst på denne sida. Ved spørsmål som gjeld elektronisk søknadsskjema kan du ta kontakt med Jobbnorge på tlf. 75 54 22 20 eller [email protected] kvardagar mellom 08:00-16:00. Om arbeidsgiveren: I Førde si storstove for kunst har vi tre etasjar fulle av uttrykk for levd liv, som du kan oppleve, tolke og gruble over. Museet har ulike utstillingar gjennom året. Kunstmuseet er òg eit kunstverk i seg sjølv. Nybygget frå 2012 er inspirert av dei mange isbreane i fylket, og ligg som ei massiv isblokk midt i sentrum av Førde. Når du kjem inn i hjartet av museet og går oppover den djupturkise trappa, er det som å bevege seg i ein stor skulptur. På toppen av trappa kan du ta turen ut på takterassen og nyte panoramautsikt mot fjella rundt. I første etasje finn du butikk med assortert utval av gåveartiklar, bøker mm. Les meir på nettstaden vår Sogn og Fjordane Kunstmuseum (misf.no) Sogn og Fjordane kunstmuseum er ein del av Stiftinga Musea i Sogn og Fjordane, saman med fleire andre museum som De Heibergske Samlinger-Sogn Folkemuseum, Norsk Reiselivsmuseum, Sunnfjord Museum, Nordfjord Folkemuseum, Kystmuseet, Kvernsteinsparken, Astruptunet m/fl. Stiftinga har om lag 60 årsverk. Les meir om Musea i Sogn og Fjordane her: www.misf.no.