About this role
Grunna foreldrepermisjon har me ledig vikariat som assisterande seksjonsleiar i Kirurgisk Seksjon ved Voss sjukehus. Oppstart snarast, etter avtale. Vikariatet går til februar 2027. Me ser etter deg som vil vere ein del av vårt leiarteam, som har lyst på varierte arbeidsoppgåver i ein kjekk og spennande jobb der ingen arbeidsdagar er like. Kirurgisk seksjonI Kirurgisk seksjon har ein samla all aktivitet innan fagområda kirurgi, ortopedi og gynekologi for døgn-, dag- og poliklinikkpasientar. Kirurgisk seksjon vil handtere elektiv drift og øyeblikkeleg hjelp, i poliklinikk og på sengepost. Ved avdelinga er det tilsett sjukepleiarar, helsefagarbeidarar, fysioterapeutar ergoterapeut, klinisk ernæringsfysiologar, sosionom og merkantilt personale. Me ynskjer å vere ein aktiv og tverrfagleg arbeidsplass med stabilt personale, godt arbeidsmiljø og høg fagleg kompetanse. Til denne stillinga er arbeidsoppgåvene i stor del tilknytt vår sengepost, men ein må rekne med å ta delansvar for heile seksjonen ved behov. Sengepost Sengepost i Kirurgisk seksjon er ein heildøgnspost med 25 senger innan fagområda gastrokirurgi, generell kirurgi, ortopedi og gynekologi. Posten har elektiv drift med planlagde operasjonar kombinert med øyeblikkeleg hjelp innleggingar. I tillegg har ein open retur funksjon og kompetanse på smertelindring, kreftomsorg og palliasjon. På sengepost jobbar det sjukepleiarar og hjelpepleiarar/helsefagarbeidarar. Nokre av medarbeidarane i sengepost har arbeidsoppgåver i poliklinikk. OM SJUKEHUSETVoss sjukehus eit lokalsjukehus med akuttberedskap innan indremedisin, kirurgi, ortopedi, føde- og gynekologi. Her møter du høg aktivitet, fagleg utvikling og eit arbeidsmiljø prega av samarbeid og engasjement. Me er stolt leverandør av spesialisthelsetenester til 31000 innbyggjarar - i tillegg til at me samhandlar tett med Haukeland universitetssjukehus både når det gjeld kompetanse og pasientflyt.