About this role
Likar du å arbeide med avanserte tekniske løysingar for framtidas grøne fartøy? Ulstein Power & Control, er Ulstein Group sitt systemintegrasjon- og serviceselskap, som leverer avanserte og optimaliserte kraft- og automasjonssystem til kundar i inn- og utland. Ulsteins engasjement for innovasjon, pålitelegheit og fornøgde kundar gjer oss til ein partnar å stole på i den maritime industrien. Ulstein Power & Control AS sine integrerte løysingar gjer det mogleg for skipseigarar å oppnå nye nivå av effektivitet, redusere kostnader og ta betydelege steg mot ei meir berekraftig framtid. I stillinga som Service Engineer, vert du ein del av eit kunnskapsrikt og innovativt miljø. Service-teamet har ein sentral funksjon i selskapet og leverer tenester til nybygg, Retrofit og service. Du vil få ein spennande og innhaldsrik arbeidskvardag, i tett samarbeid med engasjerte og dyktige kollegaer. Vi ser etter kandidatar som ønsker å påverke og skape resultat i samarbeid med andre. Ulstein Power & Control har hovudkontor i Ulsteinvik, og avdelingskontor ved Moa i Ålesund. Søknadar vert vurderte løpande, og aktuelle kandidatar kan bli inviterte til samtale før søknadsfristen er ute. Arbeidsoppgåver Oppstart på kraft- og eller automasjonssystem for nybygg og Retrofit Servicearbeid for leverte kraft- og/ eller automasjonssystem på båtar som seglar i heile verda, samt via fjernstøtte Utarbeiding av teknisk underlag, testing og verifikasjon av nye løysingar i lab samt oppstart av desse Handtering av kundeførespurnader i saksbehandlingssystemet Stillinga inneber reiseaktivitet Kvalifikasjonar Teknisk utdanning Erfaring frå installasjon, oppstart av - og service på kraft- og automasjonssystem eller tilsvarande Erfaring med Engineering av kraft- og/ eller automasjonssystem til skip Erfaring med programmering av PLC- og Scada-system eller konfigurering av automasjonssystem. Gode språkkunnskapar i norsk og engelsk Nyutdanna innan el-kraft og automasjon oppfordrast å søke Personlege eigenskapar Du er samarbeidsvillig og likar å arbeide i team Du er Løysingsorientert, nysgjerrig og lærevillig Du har evne til å arbeide strukturert og sjølvstendig i ein hektisk kvardag Du tek initiativ og likar å dele erfaringar og kunnskap Vi tilbyr Interessante, utfordrande og utviklande oppgåver i eit internasjonalt konsern. Eit tverrfagleg fagmiljø som vektlegg personleg og fagleg utvikling, sjølvstende og trivsel. Konkurransedyktige lønnsvilkår, ordna arbeidsforhold, gode pensjons- forsikringsordningar. KontaktinformasjonPer Einar Moldskred, Service Manager, +47 977 92 121 ArbeidsstedOsnesvegen 110 6065 ULSTEINVIK Nøkkelinformasjon:Arbeidsgiver: Ulstein Power & Control AS Referansenr.: 5167855497 Stillingsprosent: 100% Fast Søknadsfrist: 20.09.2026 Om arbeidsgiveren: ULSTEIN er ein internasjonalt anerkjend leverandør av skipsdesign, skipsbygging og systemløysingar for skip. I meir enn 100 år har vi utvikla framtidsretta produkt og tenester for det maritime miljøet, og visjonen vår er å skape morgondagens løysingar for berekraftige marine operasjonar. ULSTEIN har aktivitet i fleire land, med hovudkontor i Ulsteinvik på Sunnmøre. Konsernet har over 500 tilsette. Ulstein er ei lærlingbedrift og ei av hjørnesteinsbedriftene i kommunen. Menneska i Ulstein er den viktigaste ressursen. Mangfald av ferdigheiter, personlegdommar, erfaring og bakgrunn skaper eit globalt team som kombinerer innovasjon, kvalitet og ekspertise. Ulstein Power & Control AS tilbyr service og ombygging av kraftpakkar og marine automasjonssystem. Selskapet er ein del av forretningsområdet Design & Solutions, som tilbyr design og løysingar for offshoreenergimarknaden (vind, olje og gass), ekspedisjonscruise og fiskeri.