About this role
Medisinsk-teknisk avdeling (MTA) har ledig stilling som seksjonsleiar med hovudansvar for teknisk forvaltning av radiologisk utstyr, inkludert avansert bildediagnostikk, PET og syklotron. MTA forvaltar medisinsk teknologi og informatikk i Helse Bergen. Vi tar også del i forsking, utvikling og innovasjon og har ansvar for utstyr til heimebehandling av pasientar. Hovudfokuset for avdelinga sine om lag 90 tilsette er at meir enn 50 000 utstyrseiningar og tilhøyrande IKT-systemløysingar skal kunne nyttast til beste for pasientane, og vere trygge å bruke for pasientar og behandlarar. MTA er ein del av Drift-/teknisk divisjon. Dette er ei sentral leiarrolle for deg som ønskjer å sikre robuste tekniske tenester, høg driftssikkerheit og systematisk forvaltning av nokre av sjukehuset sine mest avanserte teknologiske system. Vi ser etter ein strategisk, trygg og leveranseorientert leiar som kombinerer solid teknologiforståing med evne til å byggje profesjonelle tenesteleveransar.Seksjon for radiologi har for tida 17 tilsette.