About this role
Vil du vera med på å forma framtida for Klepp kulturskule?Klepp kulturskule er ein inkluderande arena for kunst, kultur, læring og meistring for barn og unge. Kulturskulen har 380 elevplassar og 21 tilsette. Skulen samarbeider tett med skulekorpsa i kommunen gjennom dirigentordningar og elevplassar, og har i tillegg eit godt samarbeid med kulturskulane i Hå og Time om felles fordjupingstilbod. Tre av dei tilsette har òg ein utøvande del av stillinga si som musikarar i Jæren Symfoniorkester.Kulturskulen driv eit eige prosjekt der elevar får undervisning i dans og drama i SFO-tida som ein integrert del av det ordinære SFO-tilbodet. Gjennom Den kulturelle skulesekken (DKS) legg kulturskulen til rette for eit variert kulturtilbod i kommunen, koordinert av ein eigen produsent i samarbeid med styringsgruppa. I tillegg tilbyr kulturskulen musikkterapi ved ni ulike lokasjonar og institusjonar.